Jue Mun 72:1 - NYANMIƐN NDƐ'N 1998

¹ Jue nga ti Salomɔn liɛ. I waan: Ee Nyanmiɛn, yo man famiɛn'n si ndɛ bu kɛ wɔ sa. Kle famiɛn'n i wa'n i nanwlɛ dilɛ.

Jue Mun 72:1 ပူးပေါင်းရင်းမြစ်များ

2 Samiɛl 23:3

Izraɛl Nyanmiɛn'n ijɔli. Nyanmiɛn b'ɔ ti kɛ Izraɛl i yɛbuɛ'n sa'n b'ɔ talo i'n, ɔ seli min kɛ: ‹Sran ng'ɔ sie sran mun'n, sɛ ɔ ti nanwlɛfuɛ'n yɛ sɛ i nyin yi min'n,

1 Famiɛn Mun 1:39

Zadɔk b'ɔ ti Nyanmiɛn nyrun jranfuɛ'n, ɔ fali Nyanmiɛn i tannin sua'n nun lɔ nnɛn wɛ nga ngo'n wo nun'n, yɛ ɔ fa ngo'n guali Salomɔn i ti'n su-ɔ. Yɛ be boli awɛ nin-ɔn, yɛ nzrafuɛ'm be kpannin kɛ: «Famiɛn Salomɔn, man wie wla fi ɔ su o!»

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

1 Be Nyoliɛ 18:14

David yoli Izraɛl nvle wunmuan'n su famiɛn. Ɔ nian Izraɛlfuɛ'm be kwlaa be ndɛ be su yɛ ɔ di jɔlɛ nin-ɔn.

1 Be Nyoliɛ 22:9

A wa nyan ba kun, ɔ ´yo sran diinfuɛ. N ´yo man i kpɔfuɛ nga be bo sin yiɛ i'n, be su kle-mɛn i yalɛ. Be ´flɛ i Salomɔn. I blɛ su'n, n ´yo man Izraɛlfuɛ'm bé wun ´jɔ be fɔun yɛ be ´di alaje.

1 Be Nyoliɛ 29:19

Yo man min wa Salomɔn fa ɔ mmla fanunfanun'n kwlaa sie, nan ɔ fa be su. Man ɔ kplan sua dan'n bɔ m'an kunndɛ i wun ninnge'n m'an sie'n.»

2 Be Nyoliɛ 1:10

I ti nga n ´usa'n yɛlɛ kɛ a man min ngwlɛlɛ ɔ nin akunndan bɔ be fa wun sa'm be wlɛ'n kɛ ɔ ´yo nan m'an sie nvle sɔ'n ti. Sɛ ɔ'a yo-man sɔ-ɔ, sran kun kwla sie-man ɔ nvle'n, afin ɔ ti dan. N waan a man min akunndan bɔ be fa wun sa'm be wlɛ'n ekun.»

Jue Mun 127:1

Zerizalɛm kɔlɛ'n i su jue. Jue nga ti Salomɔn liɛ. I waan: Sua nga nán Anannganman yɛ ɔ kplan'n, be nga be kplɛn i lɛ'n, be kle be wun yalɛ bɔ ngbɛn. Klɔ nga nán Anannganman yɛ ɔ nian su'n, be nga be nian su'n, be sɛsɛ i ngbɛn .

Ezai 11:2

Anannganman i wawɛ'n wo i su. Wawɛ sɔ'n ɔ ti ngwlɛlɛ wawɛ, nin sa kpa'n yɛ sa tɛ'm be silɛ wawɛ, nin sa siesielɛ wawɛ, nin wawɛ b'ɔ kwla yo sa ng'ɔ siesie kɛ ɔ ´yo'n, ɔ ti wawɛ b'ɔ man be si Anannganman, b'ɔ man be ´nyin yi i.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .