Jue Mun 71:9 - NYANMIƐN NDƐ'N 1998

⁹ Min yɛ m'an yo oke ndɛ yɛ, nán niɛn i sɔ'n ti yi min blo. Sɛ min fanngan'n wie min nun bɔbɔ'n, nán niɛn i sɔ'n ti yi min ase.

Jue Mun 71:9 ပူးပေါင်းရင်းမြစ်များ

2 Samiɛl 19:35

Barzilai waan: «?Nannan, n tɛ di le nnyɛ nguan nun bɔ man e nin wɔ e kɔ Zerizalɛm-ɔ?

Jue Mun 71:18

Ee Nyanmiɛn, siɛn'n bɔ m'an yo oke bɔ mín ti'n ɔ'a bo je yɛ'n, nán yi min ase. Man n kan ɔ kwlalɛ bɔ a kwla'n i nun ndɛ n kle min blɛ sufuɛ mun. Man n kan ɔ safunyrɛn sa bɔ a yo be'n n kle be kwlaa nga be ´ba bé sin lɔ'n.

Jue Mun 73:26

Nyanmiɛn, kannzɛ min wunnɛn'n ´wiewie o, kannzɛ mín wla'n ´bo mín wun o, sran nga n kisɛ i su b'ɔ ti min liɛ mlɔnmlɔn titi'n yɛlɛ wɔ.

Jue Mun 90:10

Sɛ be waan y'a cɛ o, wuun y'a di afuɛ ableso. Be nga be lɛ wunmiɛn kpa'n be kwla di afuɛ ablaɔcuɛ. Sanngɛ afɛ nin nyrɛnnɛn ngunmin yɛ e wun i-ɔ. E nguan'n sin ndɛndɛ, wie'n fa e ndɛndɛ.

Ezai 46:4

Kɛ amun ´yo oke'n, wuun n tɛ o n osu nun. Kɛ amún ti ´bo je'n, wuun n tɛ suan amún bo. N fali amun ń sa su, yɛ n ´fa amun sɔ ekun. Sakpa, n wa suan amún bo, yɛ n ´de amun.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 4:18

E Min'n ´de min sa tɛtɛ'n kwlaa nun, ɔ ´nian n su, ɔ ´fa min kɔ i mɛn'n nun nyanmiɛn su lɔ. Man e yi i ayɛ tititi, nán e yaci i le! Man ɔ yo sɔ!