Jue Mun 71:8 - NYANMIƐN NDƐ'N 1998

⁸ Nán ɔ manmanlɛ jue'n jaso min nuan le. Ɔ lɛ-man cɛn bɔ n kan-man wɔ anyrunnyan'n i wun ndɛ-ɔ.

Jue Mun 71:8 ပူးပေါင်းရင်းမြစ်များ

Jue Mun 104:1

N ´la Anannganman i ase! Anannganman min Nyanmiɛn wɔ dan bɔ a ti'n lɛ-man sin. A lɛ nyrun o! A yo nyɛnmɛn o!

Jue Mun 146:2

Blɛ bɔ mín nyin tɛ o su'n, m ´manman Anannganman. Blɛ bɔ n tɛ kpɛ n tɛ di'n, m ´bo flɛ min Nyanmiɛn'n.

Jue Mun 35:28

Min kusu n ´kan ɔ sɛsɛ bɔ a ti'n i wun ndɛ n ´flan nun. M ´manman wɔ titi.

Jue Mun 63:5

Kɛ min nyin tɛ o su'n, wɔ asenna'n su wie-man n sa nun le. M ´man n sa'm be su m ´manman wɔ.

Jue Mun 71:15

N ´kan ɔ́ sa nuan su bɔ a yo'n i ndɛ cɛn kwlaa. N ´kan delɛ bɔ a de sran'n i ndɛ, n su yaci-man. Afin sa kpa nga a yo be'n, be kwla ka-man.

Jue Mun 71:24

Cɛn kwlaa n ´kan ɔ sa bɔ a yo i nuan su'n i wun ndɛ. Be bɔ be kunndɛ kɛ sa nyan min'n, bé nyin'n yɛ ɔ'a gua ase sa mlɔnmlɔnmlɔn-ɔn.

Jue Mun 96:6

Ɔ ti dan sakpa, ɔ nin sulɛ fata. Kan ɔ tran lɛ'n ɔ ti kpajawa yɛiin, yɛ ɔ yi i fanngan'n i nglo lɛ.