Jue Mun 71:7 - NYANMIƐN NDƐ'N 1998

⁷ Sran sunman be bu i kɛ a boli min sannzan, sanngɛ wuun min su nianlɛ li yɛ a niannin kpa liɛ su-ɔ.

Jue Mun 71:7 ပူးပေါင်းရင်းမြစ်များ

Jue Mun 61:3

Kannzɛ n wo asiɛ'n i bue kun lɔ'n, kɛ mín wla'n bo'n, wɔ yɛ n kpan flɛ wɔ-ɔ. Fa min sie yɛbuɛ ng'ɔ o nglo bɔ m bɔbɔ n fu su-ɔ ɔ yo-man ye'n su.

Jue Mun 62:7

Nanwlɛ, i kunngba yɛ ɔ ti kɛ min yɛbuɛ sa yɛ n talo i-ɔ. I yɛ man n nyan min ti-ɔ. Ɔ ti min fiawlɛ sua, ɔ man srɛ kun-man min yɛ min wun usu-usu-man min.

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Jue Mun 62:9

Sran mun, amun `fa amún wun wlɛ i sa nun tititi. Like ng'ɔ mian amún sa'n, amun `kan kle i. Ɔ ti e fiawlɛ.

Ezai 8:18

Min nin ba nga Anannganman fa be mannin min'n, e ti nzɔliɛ Izraɛl mɛn'n nun, E bo sa'm be su e kle Izraɛlfuɛ mun. Anannganman b'ɔ sie mɛn wunmuan'n, b'ɔ tran Siɔn oka'n su'n i dunman nun.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zakari 3:6

Kpɛkuun anz'n kan kleli Zozie kɛ

Zakari 3:8

«Zozie, wɔ bɔ a ti min nyrun jranfuɛ'm bé su kpɛn'n, a nin ɔ wiengu nga be uka wɔ'n, sa ng'ɔ su wa ba'n, amun yɛ amun ti i nzɔliɛ like nin-ɔn, n su wa fa min sufuɛ nga be flɛ i anyɛn'n m ´ba .

JÉSUS-CHRIST I DYASIN FE'N BO LUC KLELI'N 2:34

Simeɔn yrali i nuan mannin be, nan ɔ'a se i nin Mari kɛ: «Nian, ba ng'ɔ o yɛ'n, ɔ o lɛ Izraɛlfuɛ'm be sunman be ase finlɛ'n ti, yɛ ɔ o lɛ be sunman kusu bé su manlɛ'n ti. Ɔ wa yo kɛ like kun bɔ be wa kɛn i wun ndɛ tɛ sa,

Sa nga bé yôli'n 4:13

Kɛ be wunnin kɛ Piɛr nin Zan be ti yakpa'n, ɔ boli bé nuan, afin be si kɛ b'a di-man suklu, yɛ be ti-man sran dan. I sin'n, be wa wunnin i wlɛ kɛ be nin Jésus yɛ be trannin-ɔn.

1 Korɛntfuɛ Mun 4:9

Afin m bu i kɛ Nyanmiɛn a yo e bɔ Jésus sunmannin ye'n kɛ e nun-man sran nun sa. Y'a kaci finfinfuɛ sran nin anz'm be nyrun kɛ sran bɔ be su wa kun i sa.