Jue Mun 71:3 - NYANMIƐN NDƐ'N 1998

³ A ti kɛ yɛbuɛ sa min waan n ´talo wɔ, min waan n ´fia wɔ nun, i liɛ'n n ´fite nun.

Jue Mun 71:3 ပူးပေါင်းရင်းမြစ်များ

Jue Mun 144:2

Ɔ ti min ye yofuɛ, ɔ ti kɛ min fiawlɛ sua sa. Ɔ ti min fiawlɛ kpa tra su, yɛ ɔ ti min defuɛ. Ɔ sasa min kɛ nyrɛn sa, i sin yɛ n fia-a. I yɛ man min nvlefuɛ'm be nyin yi min-ɔn!

Jue Mun 18:2

Ee! Anannganman, n klo wɔ! Wɔ yɛ a man min wunmiɛn-ɔn.

Jue Mun 18:3

Anannganman, a ti kɛ yɛbuɛ sa, wɔ yɛ n talo wɔ-ɔ. A ti min fiawlɛ kpa sakpa, wɔ yɛ a de min-ɔn! Min Nyanmiɛn, a ti kɛ yɛbuɛ sa, wɔ nun yɛ n nyan fiawlɛ-ɔ! A sasa min kɛ nyrɛn sa .

Jue Mun 42:8

Wɔ man nzue'n ɔ bo, kpɛkuun ɔ bo ekun flan nun. Nzue ng'ɔ ´bo lɛ'n, i kwlakwla'n sin min su kpan! Ɔ kata min su kplu!

Jue Mun 44:4

Nán be bɔbɔ be tokofi'n yɛ man be fali lika nin-ɔn, nán be wue kekle yɛ man be fiteli nun-ɔn. Ɔ fanngan nun-ɔn, ɔ kwlalɛ'n ti-ɔ, wɔ aunnvuɛ silɛ'n ti-ɔ, afin a klo be sa.

Jue Mun 68:28

Bɛnzamɛn b'ɔ ti be nun kaan'n yɛ ɔ sie be-ɔ: i Zida kpɛnngbɛn mun nin be sonja mun o, i Zabilɔn kpɛnngbɛn mun o, i Nɛftali liɛ mun o, i yɛ ɔ sie be-ɔ.

Jue Mun 89:27

Ɔ ´kpan flɛ min ´se kɛ: ‹Min si yɛlɛ wɔ, a ti min Nyanmiɛn, a ti kɛ yɛbuɛ sa, wɔ yɛ n talo wɔ yɛ n nyan n ti-ɔ.›

Jue Mun 90:1

Moiz b'ɔ ti Nyanmiɛn sunmanfuɛ'n i srɛlɛ b'ɔ srɛli'n. I waan: Min Min, kɛ ɔ fɛ i e nannan'm be blɛ su lele b'ɔ ´ju e blɛ liɛ'n su yɛ'n, a yoli e fiawlɛ tititi.

Jue Mun 91:9

Afin Anannganman yɛ ɔ ti ɔ fiawlɛ-ɔ. Nyanmiɛn bɔ like fi nun-mɛn i sin'n, i sin yɛ a fia-a.

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Ezai 33:16

i sɔfuɛ'n ɔ wa tran oka'm be su, ɔ ´fia yɛbuɛ yɛbuɛ kendengleiin'm be nun. Ɔ ´nyan aliɛ di i titi, ɔ ´nyan nzue nɔn i titi.

Ezekiɛl 9:6

An `nunnun sran oke o, gbanflɛn o, talua o, ba kanngan mun o, bla mun o. Sanngɛ be nga bɔ be sieli be ngban su nzɔliɛ'n, nán amún sa kan be wie fi. An `bo i bo mín sua'n i nyrun lɛ .» Be boli sran'm be kunlɛ bo kpɛnngbɛn nga be o Nyanmiɛn i sua'n i nyrun lɛ'm be su.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›