Jue Mun 71:20 - NYANMIƐN NDƐ'N 1998

²⁰ Wɔ man n wunnin nyrɛnnɛn dan, wɔ man n wunnin min nyrun kpa. Sanngɛ a ´man min nguan ekun, yɛ a ´yi min ndia nun fite.

Jue Mun 71:20 ပူးပေါင်းရင်းမြစ်များ

2 Samiɛl 12:11

Min wan yo, sa yalɛ nga n ´fa yi ɔ su'n, ɔ ´fin wɔ awlo'n nun. N ´fa ɔ́ yi mun ɔ nyrun lɛ, n ´fa man ɔ osufuɛ'n kun, ɔ nin be wa la wia klakla kpa'n nun.

Jue Mun 119:25

Min yɛ n la ndutre nun yɛ, yo man n nyan nguan kɛ a fa kannin'n sa.

Jue Mun 138:7

Sɛ bɔ nyrɛnnɛn tɔ mín su sɛ'n, wɔ man n ka nguan nun. Ya nga min kpɔfuɛ'm be fɛ i mín wun'n, a kɛn i ase, yɛ a de min.

Jue Mun 16:10

Afin a su yaci-man min blɔlɔ lɔ. A su yaci-man min bɔ n ti ɔ sran min lɛ kɛ n kplɔ.

Jue Mun 60:3

Ee Nyanmiɛn, a yili e blo, a sanngannin e nun, a fali é wun ya sɔ, sanngɛ fa e sie e osu'n nun.

Jue Mun 60:5

Wɔ man sa kekleke tɔli ɔ sran'm bé su. Wɔ man y'a yo kɛ y'a nɔn e nzan nan y'a bo sa.

Jue Mun 80:18

Man ɔ́ sa kpa'n tran famiɛn ng'ɔ o ɔ́ sa fama su'n i su. Man ɔ tran sran sɔ bɔ a yoli man ɔ nyinnin'n i su.

Jue Mun 85:6

?Nan a ´ka é wun ya falɛ'n su sa tititi? ?A ´fa ɔ ya'n a ´gua akpasua nga be ´jaso su'n be su?

Jue Mun 86:13

Wɔ aklunye'n ti dan min lika. A deli min wie'n i nuan nun.

Jue Mun 95:4

Asiɛ'n i bo mmua-mmua lɔ ninnge'm be ti i liɛ, oka'm bé ti su nglo lɔ ninnge'm be ti i liɛ.

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Ezai 38:17

Siɛn'n, min awlaboɛ'n ɔ'a kaci aunjuɛ a man min, afin a klo min dan, a yoli man wie'n ɔ'a to a fuan min. W'a to mín sa tɛ'm be kwlaa a gua be blo ɔ́ sin lɔ.

Zonas 2:6

Nzue'n ju min kɔmin nun, jenvie'n kata min su kplu! Nyanman nga be o jenvie'n bo lɔ'n be blabla mín ti'n wun.

Marc 15:34

Nnɔsua wia sɔ nun'n, Jésus kpannin kekle kɛ: «?Eloi, Eloi, lama sabaktani?» bɔ i bo'n yɛlɛ: «?Min Nyanmiɛn, min Nyanmiɛn, nguɛ ti yɛ a kaci ɔ sin si min-ɔn ?»

Sa nga bé yôli'n 2:24

Wie'n fɛli i, Nyanmiɛn deli i wie sɔ'n i sa nun, ɔ cɛnnin i, yɛlɛ kɛ wie'n kwlɛ-mɛn i sie.

Efɛzfuɛ Mun 4:9

?Kɛ be se kɛ: «Ɔ fuli nglo lɔ'n,» i bo ti sɛ? I bo kle kɛ ɔ dun mmua ɔli asiɛ'n i bo mmua-mmua kpa lɔ.

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .

1 Samiɛl 2:6

Anannganman man sran wu, i kunngba'n man sran nyan nguan. I kunngba'n ɔ fa sran kɔ blɔlɔ, i kunngba'n ɔ yi sran blɔlɔ lɔ fite.