Jue Mun 71:18 - NYANMIƐN NDƐ'N 1998

¹⁸ Ee Nyanmiɛn, siɛn'n bɔ m'an yo oke bɔ mín ti'n ɔ'a bo je yɛ'n, nán yi min ase. Man n kan ɔ kwlalɛ bɔ a kwla'n i nun ndɛ n kle min blɛ sufuɛ mun. Man n kan ɔ safunyrɛn sa bɔ a yo be'n n kle be kwlaa nga be ´ba bé sin lɔ'n.

Jue Mun 71:18 ပူးပေါင်းရင်းမြစ်များ

Bo Bolɛ 27:1

Izaak yoli oke. I ase wunlɛ'n kpɛli su lele siɛn'n ɔ wun-man ase kun mlɔnmlɔn. Yɛ le kun ɔ flɛli i wa kpɛnngbɛn Ezau, ɔ seli kɛ: «Mín wa.» Yɛ Ezau waan: «M'an sro.»

Jue Mun 22:31

Be osu'n nunfuɛ'm be kwlaa be wa su i. Ba nga be wa wu be'n, be ´kɛn i ndɛ'n kle be.

Jue Mun 48:14

Amun `niɛn i talɛ'n siin kpa. Amun `niɛn i lika nga be sisi bé wun mun kpa nan cɛn wie amu'an kan kle amun mma nga be wa jaso su'n,

Jue Mun 71:9

Min yɛ m'an yo oke ndɛ yɛ, nán niɛn i sɔ'n ti yi min blo. Sɛ min fanngan'n wie min nun bɔbɔ'n, nán niɛn i sɔ'n ti yi min ase.

Jue Mun 78:4

E su fa fia-man e mma'm bé wun. E ´kan e kle be nga be ´ba bé sin'n mun ekun, kɛ ɔ ´yo nan b'a si sa ti b'ɔ fata kɛ be manman Anannganman'n, yɛ kɛ ɔ ´yo nan b'a si kɛ ɔ kwla, nan b'a ti abonuan sa ng'ɔ yoli be'n ti.

Jue Mun 78:6

nan be mma'm b'a kan kle be mma liɛ mun nan b'a si i, nan be kusu b'a kan kle be klun ba liɛ mun,

Ezipt Lɔ Tulɛ'n 13:8

Kɛ a nin ɔ wa'n be di cɛn sɔ'n, tu i bo kle i kɛ: ‹Sɛ n yo sa nga mun'n, ɔ fin like nga Nyanmiɛn yo mannin min i nun bɔ n ´tu m bo Ezipt lɔ'n.›

Ezai 46:4

Kɛ amun ´yo oke'n, wuun n tɛ o n osu nun. Kɛ amún ti ´bo je'n, wuun n tɛ suan amún bo. N fali amun ń sa su, yɛ n ´fa amun sɔ ekun. Sakpa, n wa suan amún bo, yɛ n ´de amun.

Ezai 51:9

Min Min, jaso! Jaso ndɛndɛ! Sɛ ɔ fanngan'n ti kɛ tralɛ sa'n, wuun n ´se kɛ a `wlɛ i kɛ laa'n sa! Jaso kɛ laa blɛ nun'n sa! Jaso kɛ sran laa'm bé blɛ'n su'n sa! ?Nán wɔ yɛ a yili Eziptfuɛ'm be ase nin-ɔn? ?Nán wɔ yɛ a boli jenvie nun dragɔn i kannin nin-ɔn?

Ezai 53:1

?Wan yɛ ɔ lafili sa nga be kan kleli ye'n su-ɔ? ?Wan yɛ Anannganman yili i wun nglo kleli i kɛ ɔ ti kpli-ɔ ?

Sa nga bé yôli'n 13:36

David liɛ'n, kɛ i nyin o su'n, ɔ yoli Nyanmiɛn klun sa. Kɛ ɔ wuli'n, ɔ toli i nannan'm be lɔ, ɔ kplɔli.

1 Samiɛl 4:15

Kɛ ɔ ´yo sɔ'n, wuun Eli ɔ'a di afuɛ ablangwlan-nin-mɔcuɛ. I nyin ɔ'a si, ɔ wun-man ase kun.

1 Samiɛl 4:18

Kɛ bian'n kannin Nyanmiɛn i alaka'n ndɛ'n cɛ'n, Eli fin i bia'n su tɔli i kɔminsin anuan nun lɛ. Kɛ bɔ Eli ti sran kpɛnngbɛn kun bɔ i wunnɛn o i wun'n, kɛ ɔ tɔli'n, i kɔminsin'n boli fɛ nan ɔ'a wu. Eli sieli Izraɛl nvle'n afuɛ ablanan.