Jue Mun 71:13 - NYANMIƐN NDƐ'N 1998

¹³ Man be bɔ min fɔ'n yɛ be bu'n, be wun nyannzuɛn, man be nunnun. Man be bɔ be klo kɛ n wun nyrɛnnɛn'n, be wun nyannzuɛn sa mlɔnmlɔnmlɔn!

Jue Mun 71:13 ပူးပေါင်းရင်းမြစ်များ

Ɛstɛr 9:2

Asieris mɛn'n i akpasua'n kwlaa nga Zuif'm be o su'n, be ti yiali klɔ'm be su, be nin be nga be buli be kunlɛ akunndan'n be kunnin. Sran fi jran be nyrun-ɔn, ɔ'a yo-man ye, afin sran'm be kwlaa be sroli be.

Jue Mun 109:29

Be bɔ be kan min wun ndɛ tɛtɛ'n, man bé nyin gua ase. Man nyannzuɛn'n ɔ sra be kɛ tralɛ sa.

Jue Mun 132:18

N ´yo man i kpɔfuɛ'm be ´wun nyannzuɛn tratra su. Kɛ ɔ ´yo sɔ'n, wuun i kusu i famiɛn kle'n wo i ti'n su nyɛnnyɛnnyɛn!»

Jue Mun 35:26

Be kwlakwla nga kɛ sa'n ju mín su'n ɔ yo be fɛ'n, man bé nyin gua ase, man be wun nyannzuɛn! Be nga be tu bé wun gua min su'n, nán be kwla bé ti su man, man nyannzuɛn'n yɛ ɔ kun be-ɔ!

Jue Mun 35:4

Be nga be kunndɛ kɛ be ´kun min'n, man bé nyin gua ase, man be wun nyannzuɛn. Be nga be gugu kɛ be ´yo min sa'n, man nyannzuɛn kun be, nan be bli be sa bé sin be wɔ.

Jue Mun 6:10

Anannganman tili min aunnvuɛ srɛlɛ'n, Ɔ sieli i su min srɛlɛ'n bo.

Jue Mun 70:3

Be bɔ be kunndɛ kɛ n wu'n, man nyannzuɛn'n yɛ ɔ kun be sa mlɔnmlɔnmlɔn-ɔn. Kɛ n ´wun nyrɛnnɛn'n, be bɔ be sri min'n, man kɛ be sa bé sin be kɔ'n bé nyin gua ase.

Jue Mun 71:24

Cɛn kwlaa n ´kan ɔ sa bɔ a yo i nuan su'n i wun ndɛ. Be bɔ be kunndɛ kɛ sa nyan min'n, bé nyin'n yɛ ɔ'a gua ase sa mlɔnmlɔnmlɔn-ɔn.

Ezai 41:11

Amun `nian, be kwlaa nga be fa amún wun ya'n, nyannzuɛn ´kun be, yɛ bé nyin ɔ ´gua ase. Be nga be kunndɛ amun nin ngondin'n, be ´wie, be ´nunnun mlɔnmlɔnmlɔn.

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»