Jue Mun 71:11 - NYANMIƐN NDƐ'N 1998

¹¹ Be se kɛ: «Nyanmiɛn ɔ'a yi i ase, amun `su i su! Amun `trɛ i! Ɔ lɛ-man sran fi b'ɔ ´de i amún sa nun-ɔn.»

Jue Mun 71:11 ပူးပေါင်းရင်းမြစ်များ

Jue Mun 3:2

Ee! Anannganman, min kpɔfuɛ'm be sɔnnin o! Be nga be jaso mín wun'n, be di-man be yalɛ!

Jue Mun 37:25

Kɛ ɔ fɛ i min bakan nun lele bɔ m'an fa yo oke yɛ'n, n nian wun-man kɛ Nyanmiɛn ɔ'a yi i sran kpa'n i ase le. N nian wun-man kɛ i mma mun annzɛ i anunman'm be su srɛsrɛ aliɛ be sin le.

Jue Mun 37:28

Afin Anannganman klo kɛ be yo like mun sɛsɛsɛ. Ɔ yi-mɛn i sufuɛ bɔ be ti nanwlɛfuɛ'm be ase. Ɔ nian be su tititi. Sanngɛ sa tɛ yofuɛ'm be mma mun nin be anunman mun be ´nunnun mlɔnmlɔnmlɔn.

Jue Mun 42:10

N usa Nyanmiɛn b'ɔ ti kɛ yɛbuɛ sa bɔ n talo i'n kɛ: «?Ɔ yo sɛ ti yɛ ɔ wla ɔ'a fi min-ɔn? ?Ɔ yo sɛ ti yɛ a yo man min kpɔfuɛ'm be mianmian min bɔ mín wla'n ɔ bo min wun-ɔn?»

Jue Mun 50:22

Amun bɔ amún wla nun-man min su kun'n, amun `bu ndɛ nga n kannin'n i akunndan. Ɔ'a yo-man sɔ-ɔ, cɛn nga n ´jɔjɔ amun nun'n, sran fi su de-man amun.

Jue Mun 7:2

Anannganman min Nyanmiɛn, min waan n ´talo wɔ. De min be kwlaa bɔ be kle min yalɛ'n bé sa nun, yo man n nyan n ti.

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Matthieu 27:46

Nnɔsua wia sɔ'n nun, Jésus kpannin kekle kpa, ɔ seli kɛ: «?Eli, Eli, lama sabaktani?» I bo'n yɛlɛ: ?Min Nyanmiɛn, min Nyanmiɛn, nguɛ ti yɛ a kaci ɔ sin a si min-ɔn ?

Matthieu 27:49

Sanngɛ be wie'm be seli kɛ: «Yaci i lɛ man e nian, sɛ Eli wa de i o.»

1 Samiɛl 23:7

Kɛ Sail tili kɛ David ɔ'a ɔ Kɛila'n, i waan: «Ɛn-ɛɛn! Anannganman ɔ'a yo i atɛ mín sa nun. Kɛ ɔ'a wlu klɔ nga be to i anuan nun ɔ yo ye nun lɛ'n, nán sran yɛ ɔ yoli-ɔ. I bɔbɔ yɛ ɔ'a wlɛ i wun bisua-a.»