Jue Mun 70:4 - NYANMIƐN NDƐ'N 1998

⁴ Man be bɔ srilɛ'n yɛ be sri min'n, be fa be nyrun nyannzuɛn'n be wɔ.

Jue Mun 70:4 ပူးပေါင်းရင်းမြစ်များ

Jue Mun 35:27

Sanngɛ be bɔ be yra be nuan kɛ min ndɛ `yo fɛ'n, man be bo sro, yɛ man be klun jɔ. Yɛ man blɛ'n kwlakwla be kan kɛ: «Anannganman ti dan, ɔ klo kɛ i sufuɛ'n i wun jɔ i.»

Jue Mun 40:16

Be nga be sri min'n, nán be kwla bé wun kan kun nyannzuɛn'n dunman nun.

Jue Mun 5:11

Nyanmiɛn, bu be fɔ! Man min wun ndɛ nga be cici i lɛ'n ɔ ´kaci gua be bɔbɔ be su! Sa tɛ nga be yo'n ɔ sɔnnin ngboko, kan be bo! Afin be jaso ɔ́ wun.

Jue Mun 97:12

Amun nga Anannganman bu amun sran kpa'n, man amun klun jɔ i dunman nun. An `bo flɛ i, afin i nzuɛn'n nin klɔ sran liɛ'n ti-man kun.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Ngwlɛ Yilɛ 3:25

Sran nga b'ɔ fɛ i wla gua Anannganman su'n, sran ng'ɔ mɛntɛn i'n, nanwlɛ, ɔ yo i kpa.

Jean 16:20

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.