Jue Mun 7:9 - NYANMIƐN NDƐ'N 1998

⁹ Anannganman, wɔ bɔ a di nvle-nvlefuɛ'm be jɔlɛ'n, kan min ti ndɛ man min, afin m'an yo-man sa.

Jue Mun 7:9 ပူးပေါင်းရင်းမြစ်များ

Bo Bolɛ 20:5

?Abraam bɔbɔ ɔ'a se-man min kɛ i niaan bla-a? ?Bla'n kusu ɔ'a se-man kɛ i niaan bian-an? ?Yɛ wuun nzu akunndan tɛ yɛ m buli-ɔ? ?Nzu sa yɛ n yoli-ɔ?»

1 Famiɛn Mun 8:32

kɛ a o Nyanmiɛn su lɔ'n, sie ɔ su nan di ɔ sufuɛ'm be jɔlɛ sɔ'n, yɛ yo ng'ɔ fata'n. Sran ng'ɔ yoli sa'n, bu i fɔ, man i sa tɛ'n kaci tɔ i bɔbɔ su. Yɛ sran kun'n kusu, man be wun kɛ ɔ ti sran kpa.

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

Jue Mun 10:15

Saci sa tɛ yofuɛ'n i wunmiɛn b'ɔ fa yo like'n. Tu i fɔ i sa tɛ b'ɔ yoli'n ti. Man ɔ tu ɔ nyrun lɛ.

Jue Mun 10:18

A di aika nin be nga be yo be tɛtɛ'n be jɔlɛ mun klanman man be kɛ ɔ ´yo nan klɔ sran'm b'a yaci be wiengu'm be nyrɛnnɛn klelɛ'n ti.

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Jue Mun 139:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman, a si min klun lɔ akunndan'n, a si min wafa bɔ n ti'n.

Jue Mun 17:3

Sɛ a nian min anwlɛn'n nun lɔ'n, sɛ kɔnguɛ bɔbɔ a nian min anwlɛn'n nun lɔ sa mun'n, sɛ a sa min nian'n, a su wun-man sa tɛ min nun. N kan-man ndɛ tɛtɛ kɛ sran wie'm be yo'n sa.

Jue Mun 18:21

Sɛsɛ bɔ n ti'n, i nuan akatua yɛ Anannganman tuali min-ɔn. Sa tɛ bɔ m'an yo-man'n, i nuan like yɛ ɔ mannin min-ɔn.

Jue Mun 26:2

Anannganman, nian min anwlɛn'n nun lɔ, sa min nian. Nian-nian min klun akunndan mun nin sa ng'ɔ o min klun lɔ'n.

Jue Mun 35:23

Min Min, min Nyanmiɛn, jaso! Di min jɔlɛ'n i klanman man min! Jaso nan kun min ti alɛ man min!

Jue Mun 37:23

Sran nga Anannganman klo i nantilɛ'n, ɔ yo man i sɔfuɛ'n nyan jranwlɛ.

Jue Mun 40:2

N fali mín wla'n n guɛli i Anannganman su. I kusu ɔ wunngeli mín wun, ɔ tili min flɛlɛ'n.

Jue Mun 43:1

Ee, Nyanmiɛn! Di min jɔlɛ mun klanman man min, jran min sin man e nin be bɔ be si-man wɔ'n e kan. De min gblɛfuɛ mun nin ndrunmun difuɛ'm bé sa nun.

Jue Mun 44:21

?Sɛ e wla fili wɔ'n, sɛ e fali like uflɛ e suli i'n,

Jue Mun 58:6

Like nga wuo nun ngowa kanfuɛ'm be yo'n, ɔnda sɔ'n ɔ bu-mɛn i like fi. Wuo nun ngowa kanfuɛ ng'ɔ si i kan kpa tra be ngba'n, sɛ ɔ ´yo sɛ ɔ ´yo sɛ o, i ndɛ nun-man nun.

Jue Mun 9:9

Ɔ di mɛn nunfuɛ'm be jɔlɛ weinwein. Ɔ kan be ndɛ mun ɔ nin nanwlɛ .

Jue Mun 96:10

Amun `kan sin nvle-nvle'n kwlaa nun kɛ sielɛ'n ɔ ti Anannganman liɛ. Asiɛ'n kusu ti takawa kpa, ɔ su keje-man. Anannganman'n di nvlefuɛ'm be jɔlɛ kɛ ɔ fata'n sa .

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Zeremi 11:20

Yɛ Anannganman b'ɔ sie mɛn wunmuan'n, kusu b'ɔ ti jɔlɛ difuɛ kun b'ɔ di ndɛ nanwlɛ, akunndan nga sran'm be bu i be klun lɔ'n, ɔ si. Kɛ a ´tu ɔ klunngbɔ be su'n, ɔ ´yo min nyrun. Ɔ sa nun yɛ min ndɛ'n ɔ wo-ɔ.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 20:12

Anannganman, wɔ b'ɔ a sie mɛn wunmuan'n, ɔ liɛ a si sran jrɛin mun. Akunndan nga be ti fiawa sran i anwlɛn nun'n, a si be. Ɔ klunngbɔ nga a ´tu i be su'n, ɔ ´yo min nyrun. Afin ɔ́ ja su yɛ n fali min ndɛ'n m bali-ɔ.

Daniɛl 11:45

Ɔ ´kplɛn i tannin sua mun jenvie'n nin Nyanmiɛn i oka b'ɔ o mɛn bɔ i klanman'n lɛ-man wunsu'n be afiɛn. Lɛ yɛ wie'n ɔ wa fɛ i-ɔ, sran fi su ukɛ-mɛn i.»

Sa nga bé yôli'n 12:23

I osu kunngba'n nun e Min Nyanmiɛn i anz kun man tukpacɛ wie tɔli i su. Kakaa'm be loli i wun nan ɔ'a wu yɛlɛ kɛ ɔ'a tu-man Nyanmiɛn i kpli.

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

1 Tɛsalonikfuɛ Mun 3:13

Kɛ ɔ ko yo sɔ'n, ɔ man amun ´nyan anwlɛn, yɛ kɛ e Min Jésus nin i sran'm be kwlaa be ´ba'n, e Si Nyanmiɛn ´wun kɛ an ti i liɛ klonglonglo bɔ be kwla saci-man amun wun kaan sa!

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.

Jude 1:1

Amun bɔ e Si Nyanmiɛn flɛli amun'n, b'ɔ klo amun titi'n, b'ɔ fa amun sieli Jésus-Krist'n, min Zid bɔ n ti Jésus-Krist i sran'n nin Zak niaan'n, n ´klɛ fluwa nga'n blɛ amun.

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.