Jue Mun 69:3 - NYANMIƐN NDƐ'N 1998

³ Nnɔtiɛ wie bɔ m'an tɔ nun'n, i bo'n ti kploun kpa. Mín ja'n nyan-man takawlɛ, m'an tɔ nzue'n i kploun kpa'n nun, ɔ su kpalo min kɔ.

Jue Mun 69:3 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:20

Sanngɛ sran nga be bu-man Nyanmiɛn like fi'n be ´minndɛ ukalɛ'n lele ngbɛn. Be su nyan-man fiawlɛ. Like nga be minndɛ i'n ɔ ti kunngba, yɛlɛ wie'n.

Zɔb I Nyrɛnnɛn Wunlɛ 16:16

Min nyinma'n ɔ'a blo kankankan sunlɛ dunman nun. Siɛn'n, min nyinma'n su dun min sɔ tuun.

Jue Mun 119:123

N kunndɛ wɔ ukalɛ'n nin delɛ bɔ ɔ waan a ´de min'n lele ngbɛn.

Jue Mun 119:82

Ndɛ nga a kannin'n, m minndɛ i su sa'n lele ngbɛn. Siɛn'n, n usa mín wun kɛ: «?Cɛn onin ko yɛ ɔ ´fɔnvɔ min-ɔn?»

Jue Mun 22:15

Min wunmiɛn'n ɔ wie kɛ nzue b'ɔ sonji kɔ'n sa. N kwla jran-man n ja'n su kun. Yakpa bɔ min waan n ti'n, m'an kaci kɛ nguɛn bɔ ɔ'a klo'n sa.

Jue Mun 22:2

Min Nyanmiɛn! Min Nyanmiɛn! ?Nguɛ ti yɛ a kaci ɔ sin si min-ɔn? ?Nguɛ ti yɛ a nin min ye afiɛn'n su ti nun bɔ a de-man min-ɔn? Kokolɛ'n ɔ'a kun min kpo. ?Nguɛ ti yɛ n flɛ wɔ bɔ a tɛ-man n su-ɔ ?

Jue Mun 25:21

Ɔ su yɛ n lafi-ɔ. Uka min, nán man n yo sa tɛ. Man n nanti kɛ ɔ fata'n sa.

Jue Mun 39:7

Sran'n ɔ nanti kɛ fɔnvɔ sa. Ɔ sin kɔ wa, ɔ sin kɔ wa, ɔ yo nga, ɔ yo nga, sanngɛ ɔ ti kɛ aunngban sa. Ninnge ng'ɔ nyɛn i'n ɔ si-man sran ng'ɔ wa fa-a .

Jue Mun 40:3

Sɛ n ´kwla se'n, ɔ yili min bunman sroesroe'n i nun fiteli, ɔ yili min nnɔtiɛ b'ɔ lɛ-man bo'n i nun fiteli. Ɔ'a fa min ɔ'a sie yɛbuɛ su. N ja'n kwla asiɛ.

Jue Mun 6:6

Kɛ sran'n ko wu'n, i wla kpɛn-man wɔ su kun. ?Blɔlɔ lɔfuɛ onin cɛ yɛ ɔ manman wɔ-ɔ?

Jue Mun 69:21

Min anwlɛn'n kpɛ min klun nzowa'n dunman nun. N kwla sin-man min osu kun. M'an minndɛ kɛ sran wie si min aunnvuɛ lele ngbɛn. N nyan-man sran fi b'ɔ ´fɔnvɔ min-ɔn.

Jue Mun 88:7

A fa min a yi kunman dan bɔ be si-mɛn i bo'n nun, a fa min a yi wie'n i aosin tikitiki'n nun.

Ezai 38:14

N kpan fie fie kɛ alialia b'ɔ tu sin'n sa. N kplin kɛ auble sa. N kwla fa-man min nyinma n nian-man nyanmiɛn su lɔ kun. Awlaboɛ'n wo mín su dan, bla wa uka min.

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Jean 19:28

Kɛ ɔ yoli sɔ'n, Jésus sili kɛ ɔ'a wie like ng'ɔ bɛli i yolɛ'n i yo, sanngɛ kɛ ɔ yo nan Nyanmiɛn ndɛ nga be klɛli ɔ'a kpɛn su'n ti'n, ɔ seli kɛ: «Nzue we kun min .»

Mmla'n 28:32

Be ´fa amun mma yasua mun nin amun mma bla mun be ´man nvle wie nunfuɛ mun amun bɔbɔ amun nyrun lɛ. Amun wa minndɛ be balɛ'n lele ngbɛn, amun su kwla-man sa fi yo .

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.