Jue Mun 69:14 - NYANMIƐN NDƐ'N 1998

¹⁴ Ee Anannganman, n liɛ bɔ n si i'n yɛlɛ wɔ srɛlɛ kunngba. Ee Nyanmiɛn, klun-ufuefuɛ dan, blɛ ng'ɔ ti bɔ a tɛ n su'n yɛ. Wɔ bɔ a yaci-man sran delɛ le'n, tɛ mín su.

Jue Mun 69:14 ပူးပေါင်းရင်းမြစ်များ

Jue Mun 109:21

Sanngɛ wɔ, min Min Anannganman, yo min ye kɛ a kan kleli min'n sa, afin ɔ klun-ufue'n ɔ ti dan, de min!

Jue Mun 109:3

Mín kpɔlɛ i ndɛ yɛ be kɛn i sa lele-ɔ. Be kunndɛ min utre ngbɛn.

Jue Mun 144:7

Jran nglo lɔ to ɔ́ sa'n de min. Yi min nzue dan'n nun fite. De min aofuɛ'm bé sa nun.

Jue Mun 35:19

Nán be bɔ be kpɔ min ngbɛn sɔ'n be klun jɔ min ti. Be bɔ b'a fua min ti ngbɛn sɔ'n, nán man be kpɛ min kannglɛ tɛ .

Jue Mun 42:2

Kɛ flete'n ɔ fɛfɛ kunndɛ nzue ba mun'n, min Nyanmiɛn, i kunngba nin-ɔn, n fɛfɛ n kunndɛ kɛ n ´fa min wun m mantan wɔ.

Jue Mun 42:7

Kɛ n wo Zurdɛn lika'n nun Ɛrmɔn oka'm bé su nin Mizear oka'n su, min wla'n ɔ bo min wun, i sɔ'n ti yɛ min wla kpɛn wɔ su nin-ɔn.

Jue Mun 69:15

Yi min nnɔtiɛ'n nun, nán man m mlɔn. De min min kpɔfuɛ'm bé sa nun, yi min nzue kploun'n nun fite.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ngwlɛ Yilɛ 3:55

Anannganman, kɛ n wo kunman sɔ'n nun lɔ'n, n kpan flɛli wɔ.

Zonas 2:8

Blɛ bɔ n wuli wieli'n, bɔ wunmiɛn fi nun-man min nun kun'n, mín nyin kpɛnnin wɔ su. Ɔ kusu, kɛ a o ɔ́ sua'n b'ɔ ti ɔ liɛ klonglo'n nun lɔ'n, a tili min srɛwa'n.

Marc 15:34

Nnɔsua wia sɔ nun'n, Jésus kpannin kekle kɛ: «?Eloi, Eloi, lama sabaktani?» bɔ i bo'n yɛlɛ: «?Min Nyanmiɛn, min Nyanmiɛn, nguɛ ti yɛ a kaci ɔ sin si min-ɔn ?»

JÉSUS-CHRIST I DYASIN FE'N BO LUC KLELI'N 19:14

Sanngɛ i nvlefuɛ'm be kpɔ i, yɛ be yili sran wie mun suli i su kɛ be `ko se kɛ be klo-man kɛ i yɛ ɔ `sie be-ɔ.

JÉSUS-CHRIST I DYASIN FE'N BO LUC KLELI'N 19:27

Siɛn'n, be nga be kpɔ min bɔ be klo-man kɛ n `sie be'n, an `fa be bla wa kun be min nyrun wa.› »