Jue Mun 68:9 - NYANMIƐN NDƐ'N 1998

⁹ asiɛ'n kejeli. Wɔ bɔ a ti Nyanmiɛn'n, bɔ a ti Izraɛlfuɛ'm be Nyanmiɛn'n, nyanmiɛn'n b'ɔ la nglo lɔ plaii'n, ɔ kloli ɔ nyrun Sinai lɔ.

Jue Mun 68:9 ပူးပေါင်းရင်းမြစ်များ

1 Famiɛn Mun 19:11

Yɛ Anannganman seli i kɛ: «Fite ko jran oka'n su min nyrun lɛ. N wa sin.» Yɛ aunngban dan kpa kun fitali-ɔ. I kekle liɛ'n, be kan-man! Ɔ kpacili oka'm be nun, yɛ ɔ kpukeli yɛbuɛ'm be nun, ɔ dun mmua Anannganman nyrun. Anannganman nun-man nun. Kɛ aunngban sɔ'n sinnin, asiɛ'n kejeli, sanngɛ Anannganman nun-man asiɛ kejelɛ sɔ'n nun.

Ezipt Lɔ Tulɛ'n 19:18

Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezekiɛl 34:26

N ´yaci be lɛ be ´tran min oka'n i wun lɛ. N ´yo man nzue'n ɔ ´tɔ i tɔlɛ blɛ'n nun, yɛ ɔ wa yo be muae like.

Mmla'n 11:14

ɔ ju i blɛ-ɔ, ɔ ´tɔ nzue amun asiɛ'n su. Ɔ ´tɔ junman yolɛ blɛ nzue'n, nin wawa nzue'n. Ɔ man amun ´nyan ble, nin nzan, nin ngo kaka.

Jɔlɛ Difuɛ Mun 5:4

Anannganman, kɛ a fin Edɔm aawlɛ'n nun bali'n, kɛ a fin Seir oka'n su jrali'n, asiɛ'n kejeli, nyanmiɛn'n mlannin yɛ nzue'n tɔli dan kpa.

Jɔlɛ Difuɛ Mun 5:5

Oka'm be jran Anannganman nyrun-ɔn, ɔ jran-man kun. Sinai oka'n kejeli Anannganman b'ɔ ti Izraɛl Nyanmiɛn'n i nyrun.