Jue Mun 68:4 - NYANMIƐN NDƐ'N 1998

⁴ Sanngɛ sran nga Nyanmiɛn bu be sran kpa'n, man be klun jɔ, man be tu be kpɛn Nyanmiɛn nyrun, man be bo sro.

Jue Mun 68:4 ပူးပေါင်းရင်းမြစ်များ

Jue Mun 104:3

Ɔ tranwlɛ'n wo nzue ng'ɔ o nglo lɔ'n i ti su nglo mmua kpa lɔ. Nyanmiɛn ble'm be ti kɛ ɔ kakaklolo sa. Aunngban'n ti kɛ anunman sa, i ndɛwa'n su yɛ a fu kɔ ɔ lika-a.

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Jue Mun 18:10

Ɔ kannin nyanmiɛn su lɔ'n i ase, yɛ ɔ jrali, ɔ nantili nyanmiɛn ble kpikplikpi kpa kun su.

Jue Mun 5:12

Sanngɛ be bɔ be talo wɔ'n, man aklunjuɛ yɛ be `di-ɔ. Man be klun jɔ tititi, sasa be. Be bɔ be klo wɔ'n, ɔ dunman nun man be bo sro.

Jue Mun 66:2

Amun `to jue be bo flɛ i i nyrun nyannyan'n ti. Amun `sro jue be `mɛnmɛn i.

Jue Mun 66:4

Asiɛ wunmuan'n sufuɛ'm be koto ɔ bo, be to jue be bo flɛ wɔ. Sakpa, be to jue be bo flɛ wɔ.»

Jue Mun 67:4

Ee Nyanmiɛn, man sran'm be manman wɔ, man nvle'm be nunfuɛ'm be kwlaa be manman wɔ.

Jue Mun 68:33

Asiɛ'n su mɛnmɛnfuɛ mun, amun `to jue manman Nyanmiɛn. Amun `bo flɛ e Min'n

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Jue Mun 97:11

Be nga Nyanmiɛn bu be sran kpa'n, be liɛ'n kannin kun kpaja sin yia be. Be nga be anwlɛn'n nun ti weiin, aklunjuɛ'n ti be liɛ.

Ezipt Lɔ Tulɛ'n 3:14

Nyanmiɛn waan: «Min ti Nyanmiɛn bɔ n wo lɛ titi'n. Ndɛ nga a wa kan kle Izraɛlfuɛ mun'n yɛ: ‹Nyanmiɛn b'ɔ wo lɛ titi'n sunmannin min amún sin.› »

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ezipt Lɔ Tulɛ'n 6:8

N ´fa amun n ´kɔ mɛn nga n tali Abraam, nin Izaak, nin Zakɔb be nda kɛ n ´fa man be'n i nun lɔ. M bɔbɔ min Anannganman, n ´fa mɛn sɔ'n ´man amun.› »

Nyanndra Mun 10:28

Sa nga klun-ufuefuɛ'm bé nyin o i sin'n, san be ´nyan su aklunjuɛ. Klunwifuɛ'm be sunnzunlɛ nga be sunnzun'n, i kwlaa tɔ nzue nun.

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezai 40:3

N ti sran kun nɛn, ɔ se kɛ: «Amun `siesie Anannganman i atin'n aawlɛ flɛnnɛn'n nun lɔ. Amun `yi akpɔ kun asiɛ kee'n nun man e Nyanmiɛn'n, amun `treke su .

Ezai 62:10

Zerizalɛmfuɛ mun, amun `fite, amun `fin klɔ'n nun `fite ndɛndɛ. Amun `siesie atin kun be `man be nga be su sa bé sin be ´ba'n. Amun `kata atin nun buɛbuɛ mun, amun `yiyi i nun yɛbuɛ mun. Yɛ amun `man flanga kun su nvle-nvle'm be nunfuɛ'm bé su.

Mmla'n 33:26

Moiz kan guali su kɛ: «Izraɛl , like fi nin ɔ Nyanmiɛn'n be sɛ-man. Ɔ fa nyanmiɛn ble'n yo i nnɛn kpanngɔ, kpɛkuun ɔ fu su, ɔ ba ɔ ukalɛ. Ɔ ba kɛ famiɛn sa.