Jue Mun 68:3 - NYANMIƐN NDƐ'N 1998

³ Man klunwifuɛ'm be tu Nyanmiɛn i wun lɛ kɛ sin wɛnsrɛn b'ɔ wie'n sa. Man be tu lɛ kɛ wɛma'm be sua bɔ sin'n ɔ'a kɛn i'n sa.

Jue Mun 68:3 ပူးပေါင်းရင်းမြစ်များ

Jue Mun 21:1

Jue nga ti David liɛ. Ɔ o jue tofuɛ'm be su kpɛn'n i fluwa'n be nun wie. I waan:

Jue Mun 32:11

Nyanmiɛn sufuɛ nanwlɛfuɛ mun, man amun klun jɔ, man amun wun kpaja amun Anannganman ti. Sran kpa mun, amun klun b'ɔ ti jɔwa'n ti, an `bo sro!»

Jue Mun 37:20

Klunwifuɛ'm be ´wu. Be bɔ be klo-man Anannganman sa'n, be wa nunnun kɛ ijre nyrɛ sa. Be ´nunnun. Be ´nunnun kɛ sin wɛnsrɛn sa.

Jue Mun 43:4

Ee Nyanmiɛn, min Nyanmiɛn, n klun b'ɔ jɔ nin min wun b'ɔ kpaja min'n ti'n, n ´kɔ ɔ sɔwlɛ'n su lɔ, n ´kɔ wɔ sin, nan m ´bo jru m ´manman wɔ.

Jue Mun 58:10

Man be yo kɛ waka kanngan bɔ be nian kaci-man susrɛ'n sa. Kannzɛ be tɛ yo mɔnnɛn o, annzɛ sɛ b'a wu kee o, ɔ ti-man sa, aunngban dan'n ɔ fita be kɔ.

Jue Mun 64:10

Srɛ kun sran'm be kwlaa. Sran sɔ'm be bo sa nga Nyanmiɛn yoli'n i jɔ sin, be si sa ti bɔ Nyanmiɛn yo sa sɔ mun'n.

Jue Mun 75:4

Sɛ asiɛ'n keje'n, yɛ sɛ i su tranfuɛ'm be usu'n, min yɛ n suan bé bo-ɔ.

Jue Mun 97:12

Amun nga Anannganman bu amun sran kpa'n, man amun klun jɔ i dunman nun. An `bo flɛ i, afin i nzuɛn'n nin klɔ sran liɛ'n ti-man kun.

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

1 Tɛsalonikfuɛ Mun 5:16

Man amun klun jɔ tititi.

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 19:7

E klun bɔ ɔ'a jɔ'n ti, man e si able, man e kpan, man e yi i ayɛ, afin Bua Gbanflɛn'n i atɔnvlɛ falɛ'n ɔ'a ju, yɛ i atɔnvlɛ'n ɔ'a fɛfɛ i wun .