Jue Mun 67:7 - NYANMIƐN NDƐ'N 1998

⁷ Fie'm bé su ninnge'm be yoli kpa, Nyanmiɛn b'ɔ ti e Nyanmiɛn'n, ɔ yo é wun sa ye.

Jue Mun 67:7 ပူးပေါင်းရင်းမြစ်များ

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 29:11

Man Anannganman ɔ man i nvle'n nunfuɛ'm be fanngan. Man Anannganman ɔ yrɛ i nuan man i nvle'n nunfuɛ mun, ɔ `yo man bé wun jɔ be fɔuun.

Jue Mun 33:8

Man asiɛ'n sufuɛ'm be kwlaa be sro Anannganman. Mɛn'n nun sran'm be kwlaa, kɛ amun wo i nyrun lɛ'n, amun `usu.

Jue Mun 65:5

Sran nga a kpɛ i bɔ a fɛ i mantan ɔ wun nan ɔ tran ɔ sua nun'n, i liɛ su ti ye! Ɔ sua'n nun lɔ ninnge kpakpa'n bɔ be man sran muae'n, e waan e ´fa wie é ti é wun nyanman nun!

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Jue Mun 98:3

Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Saun Yolɛ 26:4

min kusu sɛ nzue'n i tɔlɛ'n ju-ɔ, n ´tɔ i m ´man amun nan fie'm be `yo ye nan waka'm be kusu be `su kpa.

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Zakari 8:12

N ´yo man sran'm bé wun ´tɔ be fɔuun. Vinyi'm be ´su, fie'm be ´yo kpa, nzue'n ´tɔ. Nɛnnɛn nga n ´fa di Izraɛlfuɛ nga be kali'n, yɛ ɔ o lɛ-ɔ.

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Sa nga bé yôli'n 13:26

Nja mun, amun bɔ an ti Abraam anunman'n, bɔ amun su Nyanmiɛn'n, e nin amun e yɛ be fali delɛ ndɛ nga blɛli ye-ɔ.

Sa nga bé yôli'n 13:47

Afin kɛ e Min Nyanmiɛn seli e kɛ e yo sɔ-ɔ. Ɔ seli kɛ: ‹N fa wɔ sieli kɛ a yo kɛ wia'n sa nan a `kpaja nvle-nvle'm be nyrun, yɛ wɔ ti sran'm be ´nyan bé ti lele fa ju asiɛ'n i awieliɛ .› »

Sa nga bé yôli'n 2:28

A kleli min nguan atin'n. Sɛ a ba min wun lɛ'n, kpɛkuun n klun ´jɔ dan kpa .›

Galasifuɛ Mun 3:14

Ɔ yoli sɔ nan ye nga Nyanmiɛn seli Abraam kɛ ɔ ´yo i'n Jésus-Krist ti, ɔ ´yo man be nga be ti-man Zuif'n, nan e kusu e ´nyan Nyanmiɛn Wawɛ'n bɔ i waan ɔ ´fa man ye'n i su bɔ e lafi'n ti.

Galasifuɛ Mun 3:9

I sɔ'n ti'n, be nga be lafi Nyanmiɛn su'n, ɔ ´yo be ye kɛ Abraam b'ɔ lafili i su'n i liɛ'n sa.

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»