Jue Mun 66:2 - NYANMIƐN NDƐ'N 1998

² Amun `to jue be bo flɛ i i nyrun nyannyan'n ti. Amun `sro jue be `mɛnmɛn i.

Jue Mun 66:2 ပူးပေါင်းရင်းမြစ်များ

Neemi 9:5

Yɛ Zozie, Kadmiɛl, Bani Asabnia, Serebia, Ɔdiza, Sɛbania, ɔ nin Pɛtakza bɔ be ti Levifuɛ'n, be seli kɛ: «Amun `jaso be la Anannganman amun Nyanmiɛn'n i ase titi, nán amun yaci i le.» «Man be manman ɔ dunman b'ɔ yo nyɛnmɛn'n. Ɔ dunman'n ti dan tra su, be kwla mɛnmɛn-mɛn i nin bé nuan'n.

Jue Mun 106:2

?Wan bɔ cɛ yɛ ɔ ´si Anannganman i sa dandan ng'ɔ yo be'n bé wun ndɛ kan-an? ?Wan cɛ yɛ ɔ ´mɛnmɛn i nan sran'm b'a ti i lika'n kwlakwla-a?

Jue Mun 107:15

Man be sɔfuɛ'm be bo flɛ Anannganman i klun-ufue nin sa dandan ng'ɔ yo man sran mun ti.

Jue Mun 107:22

Man be yi asenna tɛ'm be fa mɛn i. Yɛ man be bo sro be kan sa ng'ɔ yoli be mun.

Jue Mun 68:33

Asiɛ'n su mɛnmɛnfuɛ mun, amun `to jue manman Nyanmiɛn. Amun `bo flɛ e Min'n

Jue Mun 72:18

Man e la Anannganman Nyanmiɛn b'ɔ ti Izraɛl Nyanmiɛn'n i ase. I kunngba cɛ yɛ ɔ yo abonuan sa mun-ɔn.

Jue Mun 79:9

Nyanmiɛn, wɔ bɔ a de ye'n, bla wa uka ye, nian ɔ dunman'n b'ɔ ti fuwa'n ti. Nian ɔ dunman dan'n ti de ye, yɛ yaci e wun sa'n cɛ ye.

Ezai 42:12

Man be manman Anannganman! Yɛ man be yi i ayɛ klɔ nga be o jenvie nuan mmua mmua lɔ'n be su.

Ezai 49:13

Nyanmiɛn su lɔ lika, bo ndɛ, asiɛ, bo sro, oka mun, amun `to jue. Afin min Anannganman n fɔnvɔ min nvle nunfuɛ mun, n si be nga be ti nyrɛnnɛnfuɛ'm be aunnvuɛ.»

Ezai 6:3

Be kpan be se be wiengu kɛ: «Anannganman b'ɔ sie mɛn wunmuan'n, i nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. I anyrunnyan ɔ'a de asiɛ'n wunmuan'n .»

Sa nglô yile 5:13

Yɛ like bɔ Nyanmiɛn yili be'n, be nga be o nyanmiɛn su lɔ o, be nga be o asiɛ'n su wa o, be nga be o asiɛ'n bo lɔ o, be nga be o jenvie'n nun o, n tili be kwlaa be ngan, be se kɛ: «Man e manman sran ng'ɔ ti bia su'n nin Bua Gbanflɛn'n, e `yi be ayɛ, e `yɛyɛ be, yɛ e `se kɛ be ti kpli tititi .»