Jue Mun 66:16 - NYANMIƐN NDƐ'N 1998

¹⁶ Amun kwlaa nga amun nyin yi Nyanmiɛn'n, amun `bla, an `sie amún su amún tie, n ´kan sa nga ɔ'a yo ɔ'a man min'n n ´kle amun.

Jue Mun 66:16 ပူးပေါင်းရင်းမြစ်များ

Jue Mun 34:11

Asɔmɔli'n i mma mun bɔbɔ, awe kwla kun be. Sanngɛ be bɔ be mantan Anannganman'n, be mian-man like fi wun.

Jue Mun 34:2

N ´la Anannganman i ase blɛ'n kwlaa nun. N ´fa mín nuan'n m ´mɛnmɛn i tititi.

Jue Mun 66:5

Amun `bla be wa nian Nyanmiɛn i sa nuan ninnge mun. Ninnge sɔ'm be bo sran'm be nuan.

Jue Mun 71:15

N ´kan ɔ́ sa nuan su bɔ a yo'n i ndɛ cɛn kwlaa. N ´kan delɛ bɔ a de sran'n i ndɛ, n su yaci-man. Afin sa kpa nga a yo be'n, be kwla ka-man.

Jue Mun 71:18

Ee Nyanmiɛn, siɛn'n bɔ m'an yo oke bɔ mín ti'n ɔ'a bo je yɛ'n, nán yi min ase. Man n kan ɔ kwlalɛ bɔ a kwla'n i nun ndɛ n kle min blɛ sufuɛ mun. Man n kan ɔ safunyrɛn sa bɔ a yo be'n n kle be kwlaa nga be ´ba bé sin lɔ'n.

Jue Mun 71:20

Wɔ man n wunnin nyrɛnnɛn dan, wɔ man n wunnin min nyrun kpa. Sanngɛ a ´man min nguan ekun, yɛ a ´yi min ndia nun fite.

Jue Mun 71:24

Cɛn kwlaa n ´kan ɔ sa bɔ a yo i nuan su'n i wun ndɛ. Be bɔ be kunndɛ kɛ sa nyan min'n, bé nyin'n yɛ ɔ'a gua ase sa mlɔnmlɔnmlɔn-ɔn.

Zeremi 51:10

Anannganman'n ɔ'a yi e ndɛ fɛ'n i nglo. An `bla e wɔ Siɔn e ko kan sa nga e Nyanmiɛn'n ɔ'a yo ɔ'a man ye'n.

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

1 Jean 1:3

Nga bɔ e wunnin i'n, bɔ e tili'n, e kan kle amun kusu, nan e nin amun e di anuansɛ kunngba nga e nin e Si'n nin i Wa Jésus-Krist e di'n wie.