Jue Mun 66:11 - NYANMIƐN NDƐ'N 1998

¹¹ Wɔ man afɛ tɔli ye su, wɔ man nyrɛnnɛn dan tɔli ye su,

Jue Mun 66:11 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:6

Sanngɛ man amun si kɛ Nyanmiɛn yɛ man sa sɔ'n tɔli min su-ɔ, ɔ guali i lala'n min su.

Ngwlɛ Yilɛ 1:13

Ɔ jran nglo lɔ toli sin yili min su, ɔ yo man sin sɔ'n ɔ yra min owie nun lɔ fiaan! Ɔ suali mín bo aya, ɔ finndinnin min yili i lɔ. Ɔ man sran fi mantan-man min, n wo nyrɛnnɛn nun sa tititi.

Ezekiɛl 12:13

N wa to min tɛ'n n ´sin yiɛ i yɛ ɔ ´trɛ i, ɔ ´tɔ min tɛ'n nun. N ´fɛ i n kɔ Babilɔnifuɛ'm be mɛn'n nun lɔ. Ɔ su wun-man mɛn sɔ'n, sanngɛ ɔ ´wu lɔ .

Ndɛ Nga Nyanmiɛn I Nuan Ijɔfuɛ Oze Kannin'n 7:12

Sanngɛ kɛ be ´tu kɔ sɔ'n, n ´to min lala'n n ´gua bé su, n ´yi be ase kɛ anunman sa. Kɛ be sa tɛ'n fa ti ju'n, i su yɛ n ´fa tu be fɔ-ɔ .

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Mmla'n 33:11

Anannganman, nán man be fanngan'n i su kpɛ le. Junman kwlaa nga be fa be sa wla nun'n, man ɔ yo ye. Nán man be nga be jaso bé wun'n be nyan jranwlɛ be nyrun. Sɛ be kpɔfuɛ'm be tɔ'n, nán be kwla bé wun su man kun.»