Jue Mun 66:10 - NYANMIƐN NDƐ'N 1998

¹⁰ Ee Nyanmiɛn, a niannin e klun lɔ akunndan'n! A sali ye niannin, a yoli ye kɛ jɛtɛ ufue bɔ be tɔn bɔ i nun fiɛn'n fite'n sa.

Jue Mun 66:10 ပူးပေါင်းရင်းမြစ်များ

Zɔb I Nyrɛnnɛn Wunlɛ 23:10

Sanngɛ ɔ si min ajalɛ nga n tu'n. Sa nianlɛ ng'ɔ su sa min nian yɛ, n ´fin nun n ´fite sa cɛ kɛ b'a wla sika ɔkwlɛ sin nun b'a yi sa .

Jue Mun 17:3

Sɛ a nian min anwlɛn'n nun lɔ'n, sɛ kɔnguɛ bɔbɔ a nian min anwlɛn'n nun lɔ sa mun'n, sɛ a sa min nian'n, a su wun-man sa tɛ min nun. N kan-man ndɛ tɛtɛ kɛ sran wie'm be yo'n sa.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Nyanndra Mun 25:4

Kɛ be ko yi sika'n i nun fiɛn'n, i ba'n b'ɔ ka lɛ'n yɛ ajuin difuɛ'n fa di i junman nin-ɔn.

Ezai 48:10

M'an fa-man sin yɛ n yili amun nun fiɛn'n kɛ be fa sin be yi jɛtɛ ufue'n i nun fiɛn'n sa-a, sanngɛ nyrɛnnɛn yɛ n fa sali amun n niannin-ɔn.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Malasi 3:3

Ɔ ´tran ase, ɔ ´tɔn sika'n, ɔ ´yi i nun fiɛn'n, ɔ ´yo Levi i osu'n nun Nyanmiɛn nyrun jranfuɛ'm be saun kɛ be fa yo sika ɔkwlɛ ɔ nin jɛtɛ ufue'm be saun'n sa. Kpɛkuun siɛn'n, sɛ be wa man Anannganman i like'n, be ´nanti i mmla'n su yɛ be ´mɛn i-ɔ.

Mmla'n 13:3

sɛ sa ng'ɔ kannin'n ɔ ju sakpa'n, yɛ sɛ i ti i waan amun sɔ amuɛn bɔ amun si-man be laa'n nan amun su be'n,

Mmla'n 8:16

Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.