Jue Mun 64:4 - NYANMIƐN NDƐ'N 1998

⁴ Bé nuan'n la kɛ kue bɔ b'a si'n sa. Bé nuan nun ndɛ'm be wɔ tɛ kpa kɛ ta mma bɔ be siesie bé wun

Jue Mun 64:4 ပူးပေါင်းရင်းမြစ်များ

2 Samiɛl 15:14

Yɛ David seli i mantanfuɛ nga be nin i o Zerizalɛm lɛ'n be kɛ: «Amun man e wanndi, afin sɛ Absalɔm nyan ye'n, e su fite-man nun. Amun `kan amun wun ɔ'a yo-man sɔ-ɔ, ɔ cɛ-man nan ɔ'a to e wa icra'n nan ɔ'a kle e nyrɛnnɛn, ɔ ´fa tokofi ´kun klɔ'n nun sran'm be kwlaa.»

Neemi 4:11

Be nga be kplan talɛ'n, ɔ nin be nga be wla trɔ annzɛ be sua trɔ'n be fa bé sa kun di junman, yɛ alɛ kunlɛ like o bé sa kun'n nun.

Jue Mun 11:2

Amun `nian, klunwifuɛ'm b'a cuɛn be ta'n nun b'a sie. B'a fa be ta mma mun b'a siesie ta'm be nyanman'm be su sɛsɛsɛ kɛ kɔnguɛ be ´to i sran kpa'm bé wun.

Jue Mun 55:19

Ɔ de min sa blɛlɛlɛ min kpɔfuɛ kpanngban bɔ be nin min kun'n bé sa nun.

Jue Mun 55:22

I nuan nun ndɛ'n ti sa wɛtɛɛ, ɔ ti sa fɛfɛfɛ! Sanngɛ i like b'ɔ klo i'n yɛlɛ alɛ. I nuan nun ndɛ'm be ti kɛ ngo mɔntɔɔn wie sa, kusu wuun be la kpa kɛ kue sa.

Jue Mun 57:5

Be bɔ n wo be afiɛn'n be ti kɛ asɔmɔli bɔ be di sran'n sa. Be je'n ti kɛ cua nin ta mma sa. Be nuan'n ti kɛ kue nnana sa.

Jue Mun 64:7

Be bu sa tɛ nga be wa yo'n i wun akunndan, kpɛkuun be waan: «Like nga e ko yo'n, y'a wun i siɛn'n. Nanwlɛ, kɛ klɔ sran kpa'n ɔ o lɛ'n, ɔ si ngwlɛlɛ o.»

Abakik 3:14

E kpɔfuɛ'm bé su kpɛnngbɛn nga be ´kpla be ´ba sa'n, a ´se kɛ aunngban dan wie yɛ ɔ su fita-a. Kɛ be ´ba'n, wuun be ´kpan aklunjuɛ kpanlɛ'n be ba kɛ be wa keje e nun. Be ´ba'n, be buabua bé wun kɛ be ´fia be ´kun ye, sanngɛ a de be bɔbɔ bé sa nun ta mma mun fa fitifiti bé ti'n.

Jean 19:6

Kɛ Nyanmiɛn nyrun jranfuɛ dandan mun nin sonja'm be wunnin i'n, be kpan seli kɛ: «Bobo i waka'n su! Bobo i waka'n su!» Pilat seli be kɛ: «An bɔbɔ an `fɛ i ko bobo i, afin n liɛ'n, n wun-mɛn i wun ndɛ kun nga n ´jran su n ´fa bu i fɔ-ɔ.»

1 Samiɛl 18:11

Sail mannin cua'n su, i waan: «Nga, n ´sɛn i cua sa kpan ɔ ´bo nun fiti talɛ'n.» Ɔ toli i kpɛ nnyɔn, sanngɛ kɛ David kiɛ i wun sa, wuun ɔ'a sin.

1 Samiɛl 19:10

Sail waan ɔ ´wɔ David i cua nan ɔ bo nun fiti talɛ'n. David jasoli lɛ nan cua'n ɔ'a kplan talɛ'n wun. Le kun sɔ'n i kɔnguɛ'n, David wanndili.