Jue Mun 57:6 - NYANMIƐN NDƐ'N 1998

⁶ Ee Nyanmiɛn, a ti dan tra nyanmiɛn b'ɔ la nglo lɔ plaii yɛ'n. Yi ɔ dan sɔ'n bɔ a ti'n i nglo. Man ɔ nyrun nyannyan'n ɔ kpaja asiɛ wunmuan'n su.

Jue Mun 57:6 ပူးပေါင်းရင်းမြစ်များ

1 Be Nyoliɛ 29:10

David lali Anannganman ase sran nga be yiali'n be kwlaa be nyrun. Ɔ seli kɛ: «Anannganman, e nannan Izraɛl i Nyanmiɛn, e la wɔ ase titi, e su yaci-mɛn i le.

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

Jue Mun 108:6

Ee Nyanmiɛn, a ti dan tra nyanmiɛn'n bɔ la nglo plaii yɛ'n, yi ɔ dan sɔ bɔ a ti'n i nglo. Man ɔ nyrun nyannyan'n ɔ kpaja asiɛ wunmuan'n su.

Jue Mun 140:5

Anannganman, fa min fia, nán n tɔ klunwifuɛ'm bé sa nun. Sran nga be yo sran'm be sa kekleekle'n, bɔ b'a bu min ase yilɛ akunndan b'a sie'n be ti, sasa min.

Jue Mun 142:3

N koko sa ng'ɔ o mín su'n n kle i. N fa nyrɛnnɛn ng'ɔ o mín su'n n sie i nyrun.

Jue Mun 143:4

Min wla'n ɔ'a bo min wun srɛ b'ɔ kun min'n ti, min anwlɛn'n wanndi min klun.

Jue Mun 145:14

Be kwlaa nga be tɔ'n, Anannganman suan bé bo. Be kwlaa nga b'a cia'n, ɔ tinngɛ be.

Jue Mun 42:6

?Nguɛ ti yɛ man n wla ko bo min wun-ɔn? ?Nguɛ ti yɛ man n ko fɛfɛ-ɔ? Ɔ fata kɛ n fa mín wla'n n guɛ i Nyanmiɛn su yɛ m mɛnmɛn i, afin ɔ ti min defuɛ, i kunngba'n ɔ ti min Nyanmiɛn.

Jue Mun 8:2

Anannganman e Min, ɔ dunman'n ɔ yo nyɛnmɛn asiɛ wunmuan'n su! Ɔ nyrun bɔ a lɛ i'n i dan'n ɔ fu tra nyanmiɛn b'ɔ la nglo lɔ plaii'n su.

Nyanndra Mun 28:10

Sran kwlaa ng'ɔ lakalaka klun-ufuefuɛ mun, b'ɔ mlin be'n, i sɔfuɛ'n bli i nyin tɔ aya nga i bɔbɔ suali'n nun. Sanngɛ sran kpa'm be ´nyan muae.

Nyanndra Mun 29:5

Sran ng'ɔ lɛkɛ i wiengu'n, ɔ sua i bɔbɔ wun aya.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Kalɛ 14:21

Sanngɛ n ti Nyanmiɛn bɔ n lafi-man, yɛ min anyrunnyan'n ɔ yi asiɛ wunmuan'n .