Jue Mun 57:5 - NYANMIƐN NDƐ'N 1998

⁵ Be bɔ n wo be afiɛn'n be ti kɛ asɔmɔli bɔ be di sran'n sa. Be je'n ti kɛ cua nin ta mma sa. Be nuan'n ti kɛ kue nnana sa.

Jue Mun 57:5 ပူးပေါင်းရင်းမြစ်များ

1 Be Nyoliɛ 29:1

Famiɛn David seli sran nga be yiali'n be kɛ: «Min wa Salomɔn bɔ i kunngba yɛ Nyanmiɛn kpɛli i'n, ɔ tɛ yo gbanflɛn kan, yɛ junman'n cɛnnin. Yɛ kusu i akunndan'n nian tin-man. Sua'n ti-man sran sua, Anannganman Nyanmiɛn'n i sua-a.

Jue Mun 148:13

amun `bo flɛ Anannganman, afin i kunngba yɛ i dunman'n ɔ ti fuwa-a. Ɔ sie asiɛ'n nin nyanmiɛn'n b'ɔ la nglo lɔ plaii'n.

Jue Mun 21:13

Afin a ´yo man be ´wanndi, kpɛkuun a ´to bé wun ta.

Jue Mun 57:11

Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

Jue Mun 59:8

Ndɛ tɛtɛ'm be kanlɛ'n cɛ yɛ ɔ o be nuan-an. Bé nuan'n ti kɛ kue sa. Be ko se kɛ: «?Wan li cɛ yɛ ɔ o lɛ b'ɔ kwla ti ndɛ nga e kan nin-ɔn?»

Jue Mun 64:4

Bé nuan'n la kɛ kue bɔ b'a si'n sa. Bé nuan nun ndɛ'm be wɔ tɛ kpa kɛ ta mma bɔ be siesie bé wun

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Jue Mun 8:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan sɛ be ´to'n, be `bo jru nga be yo be Gat lɔ'n wie. I waan:

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 30:14

Sran wie'm be o lɛ'n, be je'm be la kɛ kue sa yɛ bé nuan'm be la kɛ laliɛ sa. Mɛn'n nun afɛfuɛ'm be ti kɛ be nnɛn sa yɛ be di-ɔ. Be nin yalɛfuɛ'm be lɛ i. Be kunndɛ kɛ be ´yi be sran nun.

Ezai 12:4

Yɛ cɛn sɔ nun'n, amun ´se kɛ: «Amun `manman Anannganman, amun `kpan flɛ i, i sa dandan ng'ɔ yo be'n, amun `kan be nvle-nvle'm be nun. Amun `kpɛn sran'm bé wla kɛ i dunman'n ti fuwa.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 37:20

Anannganman e Nyanmiɛn, de ye Sankerib sa nun, man asiɛ'n su famiɛn diwlɛ'm be nunfuɛ'm be kwlaa be si kɛ wɔ Anannganman wɔ kunngba cɛ yɛ a ti Anannganman nin-ɔn.»

Ezai 6:3

Be kpan be se be wiengu kɛ: «Anannganman b'ɔ sie mɛn wunmuan'n, i nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. I anyrunnyan ɔ'a de asiɛ'n wunmuan'n .»

Abakik 2:14

Sran'm be kwlaa be ´wun kɛ Anannganman lɛ nyrun. Afin i anyrunnyan sɔ'n, ɔ wa yi mɛn wunmuan'n kɛ jenvie'n fa yi'n b'ɔ ɔ kɛtɛ i bo lɔ'n su sa .

Abakik 3:3

Nyanmiɛn fin Teman lɔ ba. Nyanmiɛn bɔ i nzuɛn nin klɔ sran liɛ'n ti-man kun'n, ɔ fin Paran oka'm be su lɔ ba. Nglo lɔ'n, i nyɛnmɛn b'ɔ ti'n, ɔ fite su lika'n kwlaa, yɛ asiɛ'n sufuɛ'm be kwlaa be mɛnmɛn i.

Kalɛ 14:21

Sanngɛ n ti Nyanmiɛn bɔ n lafi-man, yɛ min anyrunnyan'n ɔ yi asiɛ wunmuan'n .