Jue Mun 57:4 - NYANMIƐN NDƐ'N 1998

⁴ Kɛ ɔ o nglo lɔ'n, ɔ wa uka min. Ɔ wa yo man sran ng'ɔ su min su nin ndɛnngan'n ɔ ´wun nyannzuɛn. Man ɔ yi i klun-ufue b'ɔ wie-man'n i nglo kle min.

Jue Mun 57:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 41:14

Fanngan ng'ɔ o i kɔmin'n nun'n ɔ ti dan kpa. I ti sran kwlakwla ng'ɔ wun i'n, srɛ kun i.

Jue Mun 10:9

Ɔ bu sa kplɛ kɛ asɔmɔli wie bɔ ɔ'a sɛ i kunman nuan'n sa. Nyrɛnnɛnfuɛ'n yɛ ɔ kunndɛ i nan ɔ ´trɛ i-ɔ. Ɔ kɛnkɛn i ko yi i tɛ nun, kpɛkuun ɔ'a trɛ i.

Jue Mun 35:17

?Anannganman, a ´tran lɛ a ´nian be sa tititi? Sasa min kɛ ɔ ´yo nan b'a kle-man min yalɛ'n ti. De min asɔmɔli sɔ'm bé sa nun. Nán man be nyan min be kun min.

Jue Mun 43:3

Fa ɔ́ kannin'n blɛ min yɛ fa ɔ nanwlɛ'n wla min nun. Man ɔ́ kannin sɔ'n nin ɔ nanwlɛ'n be kle min atin nan n wɔ ɔ oka'n su lɔ, nan n wɔ kan a tran lɔ'n.

Jue Mun 55:21

Nian, gblɛfuɛ'n, ɔ nin i janvuɛ mun b'a nyɛn i. Nda ng'ɔ tali'n, ɔ'a di-man su kun.

Jue Mun 58:6

Like nga wuo nun ngowa kanfuɛ'm be yo'n, ɔnda sɔ'n ɔ bu-mɛn i like fi. Wuo nun ngowa kanfuɛ ng'ɔ si i kan kpa tra be ngba'n, sɛ ɔ ´yo sɛ ɔ ´yo sɛ o, i ndɛ nun-man nun.

Jue Mun 59:7

Nnɔsua kɛ a ´nian-an, be yɛ b'a ba ekun yɛ. Be bo kɛ alua sa, be bo sin yia klɔ'n.

Jue Mun 64:3

De min klunwifuɛ bɔ be cici min wun sa'n bé sa nun. De min sran kpanngban woo bɔ be yo sa tɛtɛ'n bé sa nun.

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 25:18

Sɛ be fa kate, annzɛ tokofi, annzɛ ta mma piembie be fa yo sran like'n, ɔ wun i ya'n sa fiaan. Suɛn nga sran fa tɔn i wiengu'n, kɛ i kusu ti sɔ-ɔ.

Nyanndra Mun 28:15

Famiɛn wlɛfuɛ b'ɔ sie sran yalɛfuɛ mun b'ɔ tin be su'n, ɔ ti kɛ asɔmɔli b'ɔ su kpan'n sa, yɛ ɔ ti kɛ atiekle bɔ awe kun i'n sa.

Nyanndra Mun 30:14

Sran wie'm be o lɛ'n, be je'm be la kɛ kue sa yɛ bé nuan'm be la kɛ laliɛ sa. Mɛn'n nun afɛfuɛ'm be ti kɛ be nnɛn sa yɛ be di-ɔ. Be nin yalɛfuɛ'm be lɛ i. Be kunndɛ kɛ be ´yi be sran nun.

Jacques 3:6

Bé nuan'n kusu ti kɛ sin sa, ɔ man be kwla yo sa tɛ dan. Ɔ ti e wunnɛn'n i bue, i yɛ ɔ saci é wun sa nin-ɔn. Ɔ ti kɛ sin sa, kɛ be wuli ye'n, ɔ saci é wun sa lele fa ju e wie cɛn, sin sɔ'n fin nyrɛnnɛn lika'n nun lɔ.

Sa nglô yile 19:15

Tokofi nnana kpa kun o sran sɔ'n i nuan nun, ɔ fa kun nvle-nvlefuɛ mun. Ɔ ´fa blalɛ kpɔnman kankan be, ɔ wa cuɛn nzan nzan cuɛnwlɛ'n nun. I cuɛnwlɛ sɔ'n yɛlɛ Anannganman Nyanmiɛn b'ɔ kwla like'n kwlaa yo'n i ya b'ɔ fa'n .

Jɔlɛ Difuɛ Mun 9:20

Sɛ ɔ'a yo-man sɔ'n, man sin fin Abimelɛk nun ɔ di Sisɛm nin Bɛt-Milo kpɛnngbɛn mun, yɛ man sin fin Sisɛm nin Bɛt-Milo kpɛnngbɛn'm be nun di Abimelɛk!»