Jue Mun 57:1 - NYANMIƐN NDƐ'N 1998

¹ Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. Ɔ kan David i wanndilɛ b'ɔ wanndili Sail nyrun'n, b'ɔ ko fiali yɛbuɛ buɛ nun'n i ndɛ . I waan:

Jue Mun 57:1 ပူးပေါင်းရင်းမြစ်များ

Jue Mun 125:1

Zerizalɛm kɔlɛ'n i su jue. Be nga be fa bé wla'n gua Anannganman su'n, be ti kɛ Siɔn oka b'ɔ keje-man b'ɔ o lɛ titi'n sa.

Jue Mun 13:5

yɛ min kpɔfuɛ'n ɔ ´di i nuan ´se kɛ ɔ kwlali min. Uka min wunmiɛn'n su, ɔ'a yo-man sɔ-ɔ be nga be klo-man min sa'n be klun ´jɔ yɛ be ´se kɛ b'a yi min ase.

Jue Mun 142:1

Jue nga ti David liɛ. Srɛlɛ ng'ɔ srɛli Anannganman i nun b'ɔ fia yɛbuɛ buɛ'n nun lɔ'n . I waan:

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Jue Mun 36:7

A di nanwlɛ, a kaci-man aniɛn. Sɛ a kan ndɛ'n, ɔ ka lɛ titi, ɔ ti kɛ oka sa. Sɛ a bu ndɛ'n, sran fi wun-mɛn i sin, afin i bo'n ti kploun kɛ jenvie dan'n sa. Anannganman, a sasa sran nin nnɛn mun.

Jue Mun 56:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Auble mun bɔ be gua waka bɔ be o mmua lɔ'n bé su'n,» i wafa kunngba'n su yɛ be `nian be fa to-ɔ. Jue sɔ'n, ɔ kan Filistifuɛ'm be tralɛ bɔ be trali David Gat lɔ'n i ndɛ . I waan:

Jue Mun 58:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. I waan:

Jue Mun 59:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be nian be fa to-ɔ. Ɔ kan blɛ bɔ Sail sunmannin sran kɛ be ko tran David i sua'n wun lɛ nan sɛ be nyɛn i-ɔ be `kun i'n i ndɛ. I waan:

Jue Mun 61:4

Min kpɔfuɛ'n ti, ɔ nun yɛ n fia-a, a ti kɛ klɔ'n i sasalɛ sua bɔ be sisi i wun talɛ kekleke'n sa.

Jue Mun 63:7

Kɛ n la min bɛ'n su'n, mín nyin kpɛn ɔ su. M bu wɔ akunndan kɔnguɛ dɔ kwlaa su.

Jue Mun 75:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be nian jue nga be to i kɛ «Nán yaci i lɛ man ɔ saci i'n» i su yɛ be to-ɔ. I waan:

Jue Mun 9:10

Anannganman ti be nga be mian-mian be'n be fiawlɛ. Sɛ nyrɛnnɛn tɔ be su-ɔ, i yɛ be talo i-ɔ.

Jue Mun 91:1

Sran ng'ɔ ko fia Nyanmiɛn bɔ like fi nun-mɛn i sin'n i sin'n, wuun ɔ'a tran Nyanmiɛn b'ɔ kwla like kwlaa yo'n i fɔnvɔ'n nun.

Jue Mun 91:4

Ɔ ´sasa wɔ, a ´nyan fiawlɛ i sin kɛ akɔwa'n nyan fiawlɛ i nin'n i ndɛwa'n bo'n sa. I nanwlɛ'n b'ɔ di'n ti kɛ nyrɛn b'ɔ sasa sran'n sa, yɛ ɔ ti kɛ like kokloko bɔ be fa kata be wue'n su'n sa.

Jue Mun 91:9

Afin Anannganman yɛ ɔ ti ɔ fiawlɛ-ɔ. Nyanmiɛn bɔ like fi nun-mɛn i sin'n, i sin yɛ a fia-a.

Ezai 10:25

Afin ɔ cɛ kan-an, min ya nga n fɛli i amun wun'n, ɔ ´wie. Ɔ ´kaci tɔ be su, ɔ ´nunnun be mlɔnmlɔn.»

Ezai 26:20

Min nvle'n nunfuɛ mun, amun `ko wlu amún sua ba'm be nun, amun `nyin amun sin anuan. Amun `fia lele man Anannganman i ya'n ɔ jɔ ka nan amu'an fite.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

Jean 16:20

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.

Mmla'n 9:26

Nan m'an srɛ Anannganman m'an se kɛ: «Anannganman Nyanmiɛn, nán nunnun ɔ sran mun. Be ti ɔ liɛ, a kpɔli be ti afin a ti dan, ɔ tinmin bɔ be jrɛn i nyrun-ɔn ɔ yo-man ye'n ti, a fali be Ezipt lɔ bali.

Sa nglô yile 21:4

Ɔ ´nunnun be nyinmuɛn'n kwlaa, wie'n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun, afin laa ninnge sɔ'm be su tran-man lɛ kun .»

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .

Rit I Wun Ndɛ 2:12

Man Anannganman b'ɔ ti Izraɛlfuɛ'm be Nyanmiɛn'n, bɔ i fanngan nun ti yɛ man a juli wa'n ɔ `yo ɔ liɛ ye. A kunndɛ-ɔ, man a nyɛn i.»

1 Samiɛl 22:1

David fɛ i lɛ ko fiali Adilam yɛbuɛ buɛ'n nun. Kɛ i niaan nin i si awlo nunfuɛ'm be kwlaa be tili'n, be ko yiɛli i wun lɔ .

1 Samiɛl 24:3

Sail fali Izraɛl sonja kpakpa'm be nun akpi nsan (3.000). Yɛ ɔ nin be ɔli David nin i sran'm be kunndɛlɛ-ɔ. Kɛ ɔ ´yo sɔ'n, wuun be kusu be o blo boli'm be kpangba'n i nyrun ndɛnman su lɔ.

1 Samiɛl 24:4

Sail nin i sran'm be sinnin bua'm be lawlɛ ng'ɔ o atin nuan lɛ'n wun lɛ. Sail wunnin yɛbuɛ buɛ kun kpɛkuun ɔ ɔli atrun lɛ, kannzu David nin i sran'm be o yɛbuɛ buɛ sɔ'n i kɔtɔka'n nun lɔ.

1 Samiɛl 24:8

Kɛ David kɛn i kɛ nga sa'n, i ti man b'a kwla kun-man Sail. Yɛ Sail fin yɛbuɛ buɛ'n nun fiteli nan ɔ'a kpɛn atin'n su lɔ.

1 Samiɛl 26:9

David seli Abisai kɛ: «Nán kun i. ?Sɛ sran kun kun Anannganman i sran b'ɔ fɛli i sieli famiɛn'n, be ´yaci cɛ?