Jue Mun 56:3 - NYANMIƐN NDƐ'N 1998

³ Ee Nyanmiɛn, wɔ bɔ a o like kwlaa ti su'n, nian, cɛn kwlaa min kpɔfuɛ'm be su min su nin ndɛnngan'n. Be sɔnnin, be nin min kun.

Jue Mun 56:3 ပူးပေါင်းရင်းမြစ်များ

2 Be Nyoliɛ 20:3

Srɛ b'ɔ kunnin Zozafat dan'n ti, i waan ɔ ko wun Anannganman wun, i ti i waan be `kpɛ srɛ nun Zida nvle wunmuan'n nun.

Jue Mun 11:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan: Anannganman i nun yɛ n kunndɛ fiawlɛ-ɔ. ?Ɔ yo sɛ ti yɛ amun se min kɛ: «Wanndi kɔ oka'm be nun lɔ ko fia kɛ anunman wie yɛ ɔ su tu sa nin-ɔn?»

Jue Mun 34:4

Amun `uka min man e manman Anannganman. Amun man é bo yo kun nan e yi i ayɛ.

1 Samiɛl 21:10

Nyanmiɛn nyrun jranfuɛ'n tɛli su kɛ: «Goliat b'ɔ ti Filistifuɛ'n bɔ a kunnin i Terebɛnt kongo'n nun lɔ'n i tokofi'n wo wa. Ɔ o Nyanmiɛn nyrun jranfuɛ'm be tralɛ'm bé sin lɔ. Tralɛ kɛtɛ i wun. Sɛ ɔ waan a ´fa'n, fa. Like kunngba b'ɔ o wa'n yɛ ɔ o lɛ-ɔ.» David waan: «Ɔ lɛ-man wunsu. Fa man min.»

1 Samiɛl 21:12

Akis i sufuɛ'm be seli i kɛ: «?Nán David b'ɔ ti Izraɛl mɛn'n i su famiɛn'n yɛ ɔ o lɛ-ɔ? Nán i yɛ be to jue be bo be flɛ i kɛ: ‹Sail kunnin sran akpi nan David kunnin sran akpi blu (10.000) nin-ɔn?› »

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.