Jue Mun 53:6 - NYANMIƐN NDƐ'N 1998

⁶ Nian, be bɔ laa be si-man like nga be flɛ i srɛ'n, be su usu sa tututu. Nyanmiɛn wa sanngan be bɔ be kɔ kɛ be nin wɔ be ´ko kun'n be nun. Ɔ ´gua bé nyin ase, afin ɔ yili be blo.

Jue Mun 53:6 ပူးပေါင်းရင်းမြစ်များ

Ɛsdras 3:11

Nyanmiɛn i ayɛ yilɛ nin i manmanlɛ jue ng'ɔ o yɛ'n, be ´to'n wuun be ´sɔ su. Be se kɛ: «Anannganman ti kpa, afin i klun-ufue'n ng'ɔ yo Izraɛlfuɛ mun'n wo lɛ tititi.» Nzrafuɛ'm be kpannin kekle kpa, afin be klun ti jɔwa, be manmannin Anannganman i sua'n i bo ase bɔ be su wla'n ti.

Neemi 12:43

Le kun sɔ'n, e yili sraka kpanngban, yɛ e dili cɛn bɔbɔ, afin sa nga Nyanmiɛn yo mɛnnin i sran mun'n, ɔ man be klun jɔli dan. Bla nin ba kanngan'm be ngba yɛ be klun jɔli sɔ nin-ɔn. Be tili Zerizalɛmfuɛ'm be aklunjuɛ kplanlɛ'n mmua.

Zɔb I Nyrɛnnɛn Wunlɛ 42:10

Kɛ Zɔb srɛli Nyanmiɛn mannin i janvuɛ mun'n, kpɛkuun Anannganman yoli man ɔ sinnin i osu laa'n nun. Anannganman yoli man i ninnge ng'ɔ lɛ i laa'n, ɔ wa nyɛnnin i sɔ kpɛ nnyɔn.

Jue Mun 14:7

Ee! Man Nyanmiɛn b'ɔ tran Siɔn lɔ'n ɔ de Izraɛl nvle'n. Kɛ Anannganman ɔ ´yi i nvlefuɛ mun kanga'n nun ba'n, Zakɔb osu'n nunfuɛ'm be klun ´jɔ. Aklunjuɛ'n ɔ ´yo dan Izraɛlfuɛ'm be afiɛn .

Jue Mun 50:2

Siɔn b'ɔ ti klanman dan'n, i nun lɔ yɛ Nyanmiɛn'n ɔ fin-ɔn. Ɔ kpaja weiin yɛ ɔ ba-a.

Jue Mun 85:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 14:32

?Be ´tɛ Filistifuɛ'm be sunmanfuɛ'm be su sɛ? Be ´tɛ be su kɛ: «Anannganman kplannin Siɔn klɔ'n, ɔ man be nga be ti yalɛfuɛ i sran'm be nun'n, be ´nyan fiawlɛ lɔ.»

Zeremi 30:18

Anannganman'n wan yoo: «An `nian, n wa fa Zakɔb i osu nunfuɛ nga be trali be lomuɛn'n n ´sa be sin be tannin sua'm be nun. N ´si i awlofuɛ'm be aunnvuɛ, be ´kplan klɔ nvuɛn'n su. Be ´kplan sua kpakpa mun klɔ nvuɛn'n su.

Zeremi 31:23

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ n ko fa Zida klɔ'm be su sran nga be trali be lomuɛn n ko ba'n, be wa kan ndɛ ng'ɔ o yɛ'n ekun. Be ´se kɛ. ‹Nyanmiɛn oka, ndɛ nanwlɛ lika, man Anannganman'n yo ɔ liɛ ye!›

Zoɛl 3:1

«Kɛ ɔ ko yo sɔ'n, kpɛkuun n ´fa min Wawɛ'n m ´man sran'm be kwlaa. Amun mma yasua mun, nin amun mma mmla'm be ´ijɔ mín nuan. Amún si ngbɛn-ngbɛn'm be wa wun ninnge mun laliɛ nun. Amun mma gbanflɛn'm be´wun like aolia nun.

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Saun Yolɛ 26:36

Amun nun be nga bɔ be ´nyan nguan amun kpɔfuɛ sɔ'm be nvle'n nun lɔ'n, akluntitiɛ yɛ n ´fa yi be su-ɔ. Nnya kee ngbɛn bɔ aunngban'n ´keje wɛkɛ sa'n, san be ´wanndi. Be ´wanndi kpa kɛ be nin sran yɛ bé su kun yɛ ɔ'a cuɛn tokofi wie bé wun sa. Sɛ sran fuan-man be bɔbɔ'n, sanngɛ be ´wanndi lele be ´tɔ sa gbuɔ.

Amɔs 9:14

Min sran nga be trali be lomuɛn'n, n ´fa be n ´sa bé sin. Be klɔ bɔ be bubuli be'n, be ´kplan be uflɛ be ´tran su ekun. Be ´ta vinyi be ´nɔn i nzan'n. Be ´di fie be ´di be su ninnge.