Jue Mun 53:3 - NYANMIƐN NDƐ'N 1998

³ Nyanmiɛn o nglo lɔ ɔ nian sran mun. I waan sɛ ɔ ´wun ngwlɛlɛfuɛ kun be nun b'ɔ fɛ i wun mɛntɛn i o!

Jue Mun 53:3 ပူးပေါင်းရင်းမြစ်များ

2 Samiɛl 20:2

Yɛ Izraɛlfuɛ'm be kwlaa be yacili David be suli Bikri wa Seba i su-ɔ. San Zidafuɛ'm be yɛ b'a kpɔci-man be famiɛn'n nin-ɔn. Be sunmɛnnin i Zurdɛn'n nuan lɔ lele juli Zerizalɛm.

Zɔb I Nyrɛnnɛn Wunlɛ 15:16

yɛ ɔ waan sran b'ɔ ti kain, bɔ ɔ'a kplɔ, bɔ sa tɛ'n ti i nzue yɛ ɔ nɔn'n yɛ ɔ lafi i su-ɔ!

Jue Mun 14:3

Be kwlaa b'a yaci atin kpa'n, be kwlaa b'a saci. Be nun wie fi yo-man sa kpa bɔ kun. Ɔ lɛ-man be nun bɔ kun .

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Sofoni 1:6

Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

Rɔmfuɛ Mun 3:12

Be kwlaa b'a yaci Nyanmiɛn atin'n, be kwlaa b'a saci. Be nun wie fi yo-man sa kpa bɔ kun. Ɔ lɛ-man be nun bɔ kun .

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

3 Jean 1:11

N sran kpa, nán nian sa tɛ nga be yo'n su, sanngɛ nian sa kpa nga be yo'n su. Sran ng'ɔ yo sa kpa'n, ɔ ti Nyanmiɛn liɛ, sran ng'ɔ yo sa tɛ'n, ɔ si-man Nyanmiɛn.

Sa nglô yile 22:11

Sran ng'ɔ yo sa tɛ'n, man ɔ yo wɔ i nyrun, sran ng'ɔ ti fiɛn'n, man ɔ kɛ i fiɛn'n su, sran ng'ɔ ti sran kpa'n, man ɔ yo sa kpa'n wɔ i nyrun, yɛ sran ng'ɔ ti Nyanmiɛn liɛ'n, man ɔ yo i liɛ tititi!»