Jue Mun 51:6 - NYANMIƐN NDƐ'N 1998

⁶ Ɔ kunngba yɛ n yoli wɔ sa nin-ɔn. N yoli sa nga a klo-mɛn i'n. Ɔ man kɛ a ´di min jɔlɛ'n, ndɛ nga a ´kan gua su'n, i kanwlɛ su-ɔ, yɛ n fɔ nga a ´bu, i buwlɛ su-ɔ .

Jue Mun 51:6 ပူးပေါင်းရင်းမြစ်များ

2 Samiɛl 12:13

Yɛ David seli Natan kɛ: «N yoli sa tɛ Anannganman wun.» Natan tɛli David su kɛ: «Anannganman ɔ'a yaci ɔ sa sɔ'n ɔ'a cɛ wɔ . A su wu-man,

2 Famiɛn Mun 20:3

«Ee! Anannganman, yaci! Nán ɔ wla fi kɛ m'an fɔn-man. Yɛ n nantili wɔ atin'n su kɛ ɔ fata'n sa. N yoli sa nga be yo wɔ fɛ'n.» Ezekias sunnin sunlɛ kpa.

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

Zɔb I Nyrɛnnɛn Wunlɛ 32:8

Kannzu nanwlɛ, Nyanmiɛn b'ɔ kwla like kwlaa yo'n i Wawɛ'n yɛ man sran kun si ngwlɛlɛ-ɔ.

Zɔb I Nyrɛnnɛn Wunlɛ 38:36

?Wan yɛ ɔ se ibis'n kɛ Nil nzue'n ɔ su wa yi-ɔ? ?Wan yɛ ɔ se akɔ nyinman'n kɛ nzue su wa tɔ-ɔ?

Jue Mun 125:4

Anannganman, be bɔ be ti kpa'n, bɔ be ti sɛsɛsɛ'n, yo be kpa.

Jue Mun 15:2

?Nán sran ng'ɔ ti nanwlɛfuɛ nin-ɔn? ?Nán sran ng'ɔ yo sa i nuan su nin-ɔn? ?Nán sran nga kɛ ɔ ´kan ndɛ ng'ɔ o i klun lɔ'n, ɔ kpɛ-mɛn i wun nin-ɔn?

Jue Mun 26:2

Anannganman, nian min anwlɛn'n nun lɔ, sa min nian. Nian-nian min klun akunndan mun nin sa ng'ɔ o min klun lɔ'n.

Jue Mun 32:5

Yɛ n seli min wun kɛ: «Man n sin n di min sa tɛ'n i nanwlɛ n kle Anannganman ke!» Yɛ n kannin min fɔnlɛ bɔ n fɔnnin'n n kleli wɔ-ɔ, m'an fia-man su. Kpɛkuun ɔ kusu, min wun sa sɔ'n b'ɔ ti kɛ trɔ sa b'ɔ jin min ti su'n, a sike jinnin.

Jue Mun 41:5

N seli Anannganman kɛ: «Anannganman, n fɔnnin ɔ wun, sanngɛ si min aunnvuɛ, yo min juejue.»

Jue Mun 5:9

Anannganman! A ti Nyanmiɛn bɔ a ti nanwlɛfuɛ, kle min atin'n. Min kpɔfuɛ'm be ti, siesie atin nga a klo kɛ n fa su'n man min.

Nyanndra Mun 2:21

Afin sran kpafuɛ mun, be yɛ be wa tran mɛn nga nun-ɔn, be ´tran be nga be nanti sein'n be mɛn'n nun.

Nyanndra Mun 2:6

afin Anannganman yɛ ɔ man akunndan nin-ɔn. Sa silɛ'n nin ngwlɛlɛ'n be fin i.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 32:40

E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

JÉSUS-CHRIST I DYASIN FE'N BO LUC KLELI'N 11:39

Yɛ e Min'n seli i kɛ: «Amun Farizifuɛ mun, an wunnzin klowa nin talie'm bé sin, sanngɛ amun anwlɛn'n nun ti sa tɛtɛ, yɛ an de sran'm be like wue kekle su.

Rɔmfuɛ Mun 7:22

Nyanmiɛn mmla'n i sufalɛ'n yo n fɛ min anwlɛn'n nun,

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

1 Piɛr 3:4

Sanngɛ man be wun amun klanman'n amun nzuɛn'n, nin amun anwlɛn wɛtɛɛ'n, ɔ nin diin bɔ an ti'n nun. Klanman sɔ'n wie-man, ɔ ti kpa Nyanmiɛn nyrun.

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»