Jue Mun 51:5 - NYANMIƐN NDƐ'N 1998

⁵ Afin n wun sa tɛtɛ nga n yo be'n. Sa tɛtɛ sɔ'm be sinsin min nyin su.

Jue Mun 51:5 ပူးပေါင်းရင်းမြစ်များ

Bo Bolɛ 5:3

Kɛ Adam dili afuɛ ya kun afuɛ ablasan'n, ɔ wuli ba yasua kun. Ba sɔ'n fɛli i kpa, ɔ flɛli i kɛ Sɛt.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Zɔb I Nyrɛnnɛn Wunlɛ 14:4

?Wan cɛ yɛ ɔ kwla yo man like saun fin like fiɛn nun fite-ɔ ? Sran fi.

Jue Mun 58:3

Ɔ kwla yo-man sɔ mlɔnmlɔn. Amun nyinfu amun di sran'm be ndrunmun. Sran'm bé sa kekleekle yɛ amun yo be lika'n nun-ɔn.

Saun Yolɛ 15:18

Sɛ bla kun nin yasua kun be la'n, ɔ fata kɛ be nnyɔn'n be wunnzin. Sanngɛ lele'n b'ɔ ´fa ju nnɔsua'n, wuun be tɛ o fiɛn nun.»

Jean 3:6

Sran nga klɔ sran wu i'n, ɔ ti klɔ sran, yɛ nga Nyanmiɛn Wawɛ'n wu i'n, ɔ ti i liɛ.

Rɔmfuɛ Mun 5:12

I sɔ'n ti, an `nian: Sran kun ti yɛ sa tɛ yolɛ'n bali mɛn nun-ɔn, yɛ sa tɛ sɔ'n ti yɛ man wie'n bali-ɔ. Yɛ i ti yɛ man wie'n wo sran'm be kwlaa be su-ɔ, afin be kwlaa be yo sa tɛ.

Efɛzfuɛ Mun 2:3

Laa e kwlaa e ti kɛ be sa, like nga klɔ sran konvi sɔ i'n yɛ e kunndɛ-ɔ, like kwlaa ng'ɔ yo e fɛ bɔ e bu i akunndan'n yɛ e yo-ɔ. Nzuɛn sɔ'n bɔ be wuli ye nin i'n ti'n, san Nyanmiɛn ´fa é wun ya kɛ ɔ fali sran wie'm bé wun ya'n sa.