Yɛ laliɛ kunngba sɔ'n nun Nyanmiɛn tɛli i su kɛ: «M bɔbɔ n si kɛ w'a bu-man akunndan tɛ yɛ w'a yo-man sa tɛ bɔ n waan nán a yo'n i ti yɛ m'an kplin-man su kɛ a nin Sara be si sua nin-ɔn.
Awlo'n nun wa'n, ɔ lɛ-man dunman tra-man min. Ɔ'a tannin-man min kɛ nán n kan like'n wie fi, san ɔ bɔ a ti i yi'n yɛ ɔ fata-man kɛ n kan wɔ-ɔ. Ɔ mɛn i ti, n yo sa tɛ dan nga-a ɔ yo-man ye. Sɛ n yo sɔ-ɔ, wuun Nyanmiɛn yɛ m'an wɔ i safle-ɔ.»
Be fali be mma'm be yili tɛ, be yrali be. Be yili wunnzue wafa-wafa'n kwlaa. Be fali bé wun mannin ninnge nga be yo-man Anannganman fɛ'n be yolɛ. Ɔ man be kunnin i ya.
Ɔ fɛli i wa'n yili tɛ nga be yrɛ i nnɛn'n kɔlikɔli'n, ɔ yili wunnzue fanunfanun mun. Ɔ lɛ i sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n fa fɔkɔli i anwlɛn.
Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»
Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,
Ɔ su yo-man sɔ mlɔnmlɔn! Kannzɛ sran'm be kwlaa be yo atofuɛ'n, sanngɛ Nyanmiɛn liɛ'n, san nanwlɛ yɛ ɔ di-ɔ! Afin be klɛli i kɛ: «Kɛ a kan ndɛ'n, san be ´wun kɛ ɔ ndɛ'n yo fɛ, yɛ kɛ be ´di ɔ jɔlɛ'n, san ɔ ndɛ'n ´kwla be nga a nin be kan ndɛ'n .»
Sran ng'ɔ seli kɛ: «Nán kunndɛ bla ɔ́ yi bo annzɛ bian ɔ́ wun bo'n,» i kunngba'n seli kɛ: «Nán kun sran.» Ɔ man sɛ a kunndɛ-man bla ɔ́ yi bo annzɛ bian ɔ́ wun bo bɔ sanngɛ a kun sran'n, wuun w'a saci mmla'n .
Yɛ n tili anz b'ɔ nian nzue'm bé su'n i nɛn, ɔ seli kɛ: «Ɔ bɔ a o lɛ'n, bɔ a o lɛ lalaa'n, bɔ ɔ nzuɛn'n nin klɔ sran liɛ'n ti-man kun'n, ndɛ nga a di yɛ'n ɔ ti i su.
Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .