Jue Mun 51:1 - NYANMIƐN NDƐ'N 1998

^1-2 Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ David nin Bat-Seba be sili sua bɔ Natan b'ɔ ti Nyanmiɛn nuan ijɔfuɛ'n ko wunnin i wun'n, i sin yɛ ɔ kpɛli jue sɔ nin-ɔn . I waan:

Jue Mun 51:1 ပူးပေါင်းရင်းမြစ်များ

2 Samiɛl 11:2

Le kun nnɔsua wia'n nun David jasoli i bɛ'n su, ɔ ɔli i sua'n i ti gbagblagba'n su lɔ, ɔ ɔli nanti-nantilɛ kanngan. Kɛ ɔ o nglo lɔ'n, ɔ ´nian-an, bla kun su wunnzin. Bla sɔ'n ti klanman kpa.

Neemi 4:5

E kpɔfuɛ'm be kusu be bu i kɛ e si-man nga be waan be ´yo'n nun. Be waan: «Kɛ be ´bo bli-ɔ, e yɛ e o yɛ, e wa nunkun be nunkunlɛ kpa, kpɛkuun be ´yaci junman sɔ'n.»

Jue Mun 106:45

Kɛ i waan ɔ ´yo be ye'n ti'n, i wla kpɛnnin aenguɛ ng'ɔ nin be trali'n su. I klun-ufue dan'n ti ɔ sili be aunnvuɛ.

Jue Mun 106:7

Atrɛ nga a yili be Ezipt lɔ'n, é si'm b'a wun-mɛn i wlɛ. Ye dandan nga a yoli be'n, bé wla ɔ'a kpɛn-man su. Be yoli nyin kekle Ndɛma jenvie'n i nuan lɔ.

Jue Mun 109:21

Sanngɛ wɔ, min Min Anannganman, yo min ye kɛ a kan kleli min'n sa, afin ɔ klun-ufue'n ɔ ti dan, de min!

Jue Mun 119:124

Nian ɔ klun-ufue'n su yo min bɔ n ti ɔ sufuɛ'n min ye. Kle min sa nga ɔ waan be `yo'n i bo'n weiin nan n si i.

Jue Mun 145:9

Anannganman ti kpa man sran'm be kwlakwla. Ɔ klo ninnge b'ɔ yili be'n be ngba.

Jue Mun 4:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n. I waan:

Jue Mun 40:11

Delɛ nga a deli min'n, n fia-man su. N kan ɔ klun-ufue'n i wun ndɛ anyia dan'n nun. Yɛ n kɛn i ekun kɛ a ti nanwlɛfuɛ.

Jue Mun 5:7

A nunnun ato buafuɛ mun. Anannganman waan nán i nyinma wun sran kunfuɛ mun nin ndrunmun difuɛ mun.

Jue Mun 51:9

Yo man min wun sa'n wie nan man n yo saun, wunnzin min nan n fɛn fitafita.

Jue Mun 69:13

Be bɔ be tian klɔ'n i anuan'n nun'n be fa min kan be ndɛ su. Nzan kekleekle nɔnfuɛ'm be fa min to jue.

Jue Mun 69:16

Nán nzue'n ɔ kpalo min wɔ, nán man bunman'n mɛn min, nán man ndia'n i anuan'n nyin min su.

Jue Mun 77:9

?I klun-ufue'n i wielɛ yɛ ɔ'a wie mlɔnmlɔn lɛ-ɔ? ?Ndɛ ng'ɔ ko kan'n yɛ ɔ'a wie i kan lɛ-ɔ?

Ezai 43:25

M bɔbɔ min yɛ n yaci amún sa tɛtɛ mun n cɛ amun-ɔn. Mín wla su kpɛn-man amún sa tɛ'm be su kun le.

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Ezai 63:15

Kɛ a o ɔ sua klanman'n nun nyanmiɛn su lɔ'n, nian sa bɔ be ju e su'n. ?Ɔ klolɛ dan'n nin ɔ fanngan'n be o nin? Ɔ wun b'ɔ usu wɔ ye ti'n, yɛ aunnvuɛ bɔ a si ye'n, e wun-mɛn i sɔ kun.

Ezai 63:7

N ´kan Anannganman i klun-ufue b'ɔ ti'n i wun ndɛ, n ´kan n ´flan nun. Yɛ n ´kan ye b'ɔ yo ye'n, b'ɔ i ti yɛ e mɛnmɛn i'n, i kwlaa i wun ndɛ. Yɛ n ´kɛn i klun-ufue b'ɔ yi i nglo Izraɛlfuɛ'm be lika'n i wun ndɛ. Like ng'ɔ yoli mannin be i klolɛ'n nin i klun-ufue dan'n ti, n ´kɛn i kwlaa i wun ndɛ.

Zeremi 18:23

Anannganman, ɔ bɔbɔ a si cicilɛ nga b'a cici kɛ be ´kun min'n. I sɔ'n ti sɛ be yi ɔ kpatalɛ tɛ'n, nán sɔ nun. Nán nunnun bé sa tɛ'n nan ɔ jaso ɔ nyrun lɛ. Nán be kwla jran ɔ nyrun. Man bé wun ya tran ɔ klun tititi.

Ngwlɛ Yilɛ 3:32

Sɛ ɔ fa kekle yi i sran kun su'n, ɔ si i aunnvuɛ, afin i klun-ufue'n ɔ ti dan tratra su.

Daniɛl 9:18

Min Nyanmiɛn, sie ɔ́ su nan tie. Tike ɔ́ nyin nan nian e klɔ'n i bubulɛ bɔ ɔ'a bubu'n, klɔ sɔ'n bɔ ɔ dunman'n wo su'n. Kɛ e srɛ wɔ tantrantan kɛ nga sa'n, nán kɛ e nzuɛn'n ti kpa ti yɛ e srɛ-ɔ, ɔ sran klolɛ b'ɔ lɛ-man awieliɛ'n ti-ɔ.

Daniɛl 9:9

Sanngɛ ɔ liɛ'n e Min, e Nyanmiɛn, wɔ bɔ a si aunnvuɛ'n, bɔ ɔ klun ti ufue'n, kannzɛ bɔ e jasoli ɔ́ wun'n, a yacili e wun sa'n a cɛli ye.

Sa nga bé yôli'n 3:19

Ɔ man an `kaci amun nzuɛn'n, yɛ an `sa amun sin Nyanmiɛn wun man ɔ yaci sa nga an yoli i'n cɛ amun mlɔnmlɔnmlɔn'n, nan blɛ ng'ɔ ´ba lɔ'n, e Min Nyanmiɛn'n ɔ man amún wla gua ase,

Kolɔsfuɛ Mun 2:14

Ɔ nunnunnin mmla'n i nun ndɛ ng'ɔ ti é wun ndɛ b'ɔ man e di-man alaje'n. Ɔ guɛli i ase, ɔ ti kɛ ɔ boboli i waka'n su sa.