Jue Mun 50:3 - NYANMIƐN NDƐ'N 1998

³ E Nyanmiɛn'n su ba, ɔ muɛn-mɛn i nuan. Sin kun b'ɔ yra like kɔlikɔli'n dun mmua i nyrun, aunngban dan kun fita bo sin yiɛ i.

Jue Mun 50:3 ပူးပေါင်းရင်းမြစ်များ

Jue Mun 48:14

Amun `niɛn i talɛ'n siin kpa. Amun `niɛn i lika nga be sisi bé wun mun kpa nan cɛn wie amu'an kan kle amun mma nga be wa jaso su'n,

Jue Mun 50:21

Sa nga a yoli'n yɛ ɔ o lɛ-ɔ, sanngɛ m'an kan-man ndɛ. A bu i kɛ wuun n ti kɛ wɔ sa. N wa ijɔ wɔ yɛ sa nga a yoli'n b'ɔ ti-man kpa'n, n wa tutu nun weiin-weiin n kle wɔ.

Jue Mun 68:20

Man be la e Min'n i ase cɛn kwlakwla. Nyanmiɛn b'ɔ de ye'n, ɔ nian e lika.

Jue Mun 83:1

Jue nga ti Azaf liɛ. I waan:

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Ezipt Lɔ Tulɛ'n 19:18

Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezai 35:4

Be nga bé wla ɔ'a bo'n, amun `se be kɛ: «Amun `jran kekle, nán srɛ kun amun, amun Nyanmiɛn'n yɛ. Ɔ ba kɛ ɔ wa tu amun klunngbɔ'n ´man amun, yɛ sa nga amun kpɔfuɛ'm be yoli amun'n, ɔ ´yi man be. I bɔbɔ su ba amun delɛ.»

Ezekiɛl 1:4

Like nga n wunnin i'n yɛ. N ´nian-an, aunngban dan kun yɛ ɔ fin mɛn'n i nglo lɔ lika'n nun yɛ ɔ ´ba yɛ. Kɛ ɔ ´ba'n, ɔ nin nyanmiɛn ble dan kun bɔ lika kpaja'n sin yiɛ i'n yɛ be ba-a. Yɛ sin fin i afiɛn fite kɛ nyanmiɛn b'ɔ kpa sin'n sa. I afiɛn ng'ɔ ti kɛ sɛnmlɛn ba sa'n ɔ ti nglannglan kɛ aaba bɔ i wun ti treketreke b'ɔ fin sin nun'n sa.

Daniɛl 7:10

Sin kun fin sran oke'n i nyrun lɛ, ɔ nyrɛn kɛ nzue ba dan wie sa, kpɛkuun ɔ sonji. Sran akpi sɔ lele akpi be su i. Yɛ sran akpingbin be jinjin i nyrun lɛ. Yɛ jɔlɛ difuɛ'm be trannin ase nan b'a tike fluwa'm be su .

Saun Yolɛ 10:2

Bé ja nun lɛ kpɛkuun vlauun, sin fin Anannganman nyrun lɛ ɔ su jue, ɔ ka lɛ yrali be nnyɔn'n Anannganman nyrun lɛ, ɔ man be wuli.

Abakik 3:5

Ɔ to tukpacɛ tɛ bɔ sa ndɛndɛ'n yi i nyrun yɛ ɔ ba-a. Kan ɔ sin lɛ'n, ɔ ti tukpacɛ ngunmin .

Kalɛ 16:35

Kpɛkuun Anannganman yoli man sin taaman kun fin i wun lɔ wa jrali sran ya nnyɔn sran ablenun bɔ be su fa ansans be ´mɛn i'n be su nan ɔ'a yra be sekeseke kpan.

Matthieu 3:12

I nene'n wo i sa nun, ɔ wa kpɛjɛ i ble'n b'ɔ o i bowlɛ nun'n lele ɔ ´wie, ɔ ´isa guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Hébreu 12:29

afin e Nyanmiɛn'n ti kɛ sin sa, ɔ yra .

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Sa nglô yile 22:20

Sran ng'ɔ seli kɛ sa sɔ'n ɔ ´yo sɔ'n, ɔ se kɛ: «Nanwlɛ, m ´ba icra'n.» Man ɔ yo sɔ! E min Jésus, bla!