Jue Mun 5:9 - NYANMIƐN NDƐ'N 1998

⁹ Anannganman! A ti Nyanmiɛn bɔ a ti nanwlɛfuɛ, kle min atin'n. Min kpɔfuɛ'm be ti, siesie atin nga a klo kɛ n fa su'n man min.

Jue Mun 5:9 ပူးပေါင်းရင်းမြစ်များ

Ɛsdras 8:21

Aava nzue ba nuan lɛ'n, n yoli man e kpɛli srɛ nun. E kannin é wun ase e Nyanmiɛn'n i nyrun. Yɛ e srɛli i kɛ ɔ yo nan ye ajalɛ tulɛ nun'n, nán sa fi ju e nin e mma nin e ninnge'm be su.

Jue Mun 27:11

Be bɔ be klo-man mín sa'n be ti, Anannganman, kle min wɔ atin'n, yɛ fa min sin atin kpa'n su.

Jue Mun 51:6

Ɔ kunngba yɛ n yoli wɔ sa nin-ɔn. N yoli sa nga a klo-mɛn i'n. Ɔ man kɛ a ´di min jɔlɛ'n, ndɛ nga a ´kan gua su'n, i kanwlɛ su-ɔ, yɛ n fɔ nga a ´bu, i buwlɛ su-ɔ .

Jue Mun 62:4

?Cɛn onin ko nan amu'an yaci sran su ju gualɛ kɛ amun ´kunndɛ kun i'n? Amun yo i kɛ talɛ wie bɔ ɔ'a cia annzɛ kɛ awa wie b'ɔ ti yɛkɛyɛkɛ bɔ be su bé bo yi'n sa.

Jue Mun 62:9

Sran mun, amun `fa amún wun wlɛ i sa nun tititi. Like ng'ɔ mian amún sa'n, amun `kan kle i. Ɔ ti e fiawlɛ.

Jue Mun 64:6

Be wla be wiengu fanngan sa tɛ sɔ'm be yolɛ'n nun. Bé bo yo kun yɛ be kunndɛ be aya'n i suawlɛ nvialiɛ nun-ɔn. Be waan: «Nga, sran fi su wun-man ye o!»

Jue Mun 69:19

Wunnge min wun wa nan nian min lika. Min kpɔfuɛ'm be ti, de min.

Nyanndra Mun 29:5

Sran ng'ɔ lɛkɛ i wiengu'n, ɔ sua i bɔbɔ wun aya.

Ezai 26:7

Sran kpa'n i atin'n ti sein. Anannganman, wɔ bɔ a yo sa i nuan su'n, a siesie sran kpa'n i atin'n mɛn i.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

JÉSUS-CHRIST I DYASIN FE'N BO LUC KLELI'N 11:39

Yɛ e Min'n seli i kɛ: «Amun Farizifuɛ mun, an wunnzin klowa nin talie'm bé sin, sanngɛ amun anwlɛn'n nun ti sa tɛtɛ, yɛ an de sran'm be like wue kekle su.

JÉSUS-CHRIST I DYASIN FE'N BO LUC KLELI'N 11:44

An yako! Yɛlɛ kɛ an ti kɛ ndia bɔ b'a sie-mɛn i nzɔliɛ'n sa, kɛ be si-man sɔ'n, be nanti su.

Rɔmfuɛ Mun 3:13

Be klun lɔ'n ti kɛ ndia bɔ b'a tike su'n sa. Be fa bé nuan'n yɛ be laka sran mun-ɔn. Bé nuan nun ndɛ'n ti kɛ wuo bɔyre sa .

1 Tɛsalonikfuɛ Mun 2:5

Amun bɔbɔ an si kɛ e nian kan-man ndɛ gblɛ nun annzɛ ndɛ b'ɔ kle kɛ e nyin blo amun ninnge'm be su'n, nian kle-man amun le. Nyanmiɛn yɛ ɔ ti e lalofuɛ-ɔ.