Jue Mun 5:7 - NYANMIƐN NDƐ'N 1998

⁷ A nunnun ato buafuɛ mun. Anannganman waan nán i nyinma wun sran kunfuɛ mun nin ndrunmun difuɛ mun.

Jue Mun 5:7 ပူးပေါင်းရင်းမြစ်များ

1 Famiɛn Mun 8:35

Sɛ be yo wɔ sa nan i ti nyanmiɛn'n ɔ tannin nan nzue tɔ-man'n, sɛ a tu be fɔ nan i ti be kpan flɛ wɔ'n, sɛ be ba lika nga nun wa be wa srɛ wɔ'n nan be yaci bé sa tɛ'n be yolɛ'n,

1 Famiɛn Mun 8:38

sɛ ɔ nvle'n nunfuɛ'm be kpɔfuɛ'm be wa utu bé mɛn'n, sɛ sa kekle fanunfanun ju bé su'n, sɛ tukpacɛ fanunfanun yo be'n, sɛ i kwlaa sɔ nun be kwlaa be wun sa nga be yoli'n nan be srɛ wɔ kpa sakpa'n, yɛ sɛ be man bé sa'm be su nan be tinngɛ be sua nga i ndɛnman'n,

Jue Mun 101:7

Sran ng'ɔ di ndrunmun'n, ɔ su tran-man min awlo liɛ'n nun. Gblɛ kpɛfuɛ'n su nyan-man manndran mín sa nun.

Jue Mun 130:4

Afin wɔ yɛ a yaci sran i wun sa cɛ i-ɔ kɛ ɔ ´yo nan be nyin wa yi wɔ'n ti.

Jue Mun 132:7

An man e wɔ Anannganman i lika'n nun lɔ. E `ko koto i ja takatakawlɛ'n i nyrun lɛ.

Jue Mun 138:2

N ´kɔ ɔ sua'n nun lɔ n ´ko koto m ´bo flɛ wɔ ɔ klun-ufue nin ɔ nanwlɛ bɔ a di'n ti, afin ndɛ nga a kan kleli min'n, a niannin su yoli i su like. I kpa'n bɔ a yo trali su.

Jue Mun 28:2

Kɛ n kpan n flɛ wɔ'n, tie min aunnvuɛ srɛlɛ'n. Kɛ n tinngɛ mín sa ɔ lika nga a tran nun'n i ndɛnman bɔ n srɛ wɔ'n, tɛ min srɛlɛ'n su.

Jue Mun 34:17

Anannganman nin be bɔ be yo sa tɛ'n be kun, afin i waan ɔ ´nunnun be dunman'n mɛn'n nun .

Jue Mun 51:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ David nin Bat-Seba be sili sua bɔ Natan b'ɔ ti Nyanmiɛn nuan ijɔfuɛ'n ko wunnin i wun'n, i sin yɛ ɔ kpɛli jue sɔ nin-ɔn . I waan:

Jue Mun 52:8

Kɛ Nyanmiɛn sufuɛ nanwlɛfuɛ'm be wun i sɔ'n, be nuan'n ´bo bé wun. Be ´sri yɛ be ´se kɛ:

Jue Mun 55:16

Man wie'n fu min kpɔfuɛ'm be nun o! Nán be wu nan b'a ɔ blɔlɔ o! Afin be ti tɛ ngboko, klunwi'n yɛ be yo be sin-ɔn!

Jue Mun 69:13

Be bɔ be tian klɔ'n i anuan'n nun'n be fa min kan be ndɛ su. Nzan kekleekle nɔnfuɛ'm be fa min to jue.

Jue Mun 69:16

Nán nzue'n ɔ kpalo min wɔ, nán man bunman'n mɛn min, nán man ndia'n i anuan'n nyin min su.

Nyanndra Mun 6:16

Anannganman i nyin ci like nsiɛn: tutre kun, gblɛ kun, sran kunlɛ kun, sran wun akunndan tɛ bulɛ kun, sa tɛ yolɛ bɔ be fa cici bé ti'n kun, yɛ lalofuɛ ng'ɔ di-man ndɛ nanwlɛ'n. Sanngɛ kun ekun o lɛ bɔ i nyin ci i tra su, yɛlɛ sran ng'ɔ kpɛ lare yi i niaan nnyɔn be afiɛn'n.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezai 64:11

Anannganman, lika nvuɛn sɔ'n yɛ ɔ́ nyin tɛ i lɛ-ɔ. ?A ´tran lɛ sa ngbɛn? ?A su kan-man ndɛ fi? ?Nan a ´gua é nyin ase lele tra su?

Daniɛl 6:10

Kɛ ɔ yoli sɔ'n yɛ famiɛn Dariis fɛli i sa ti'n sieli mmla'n su-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Sa nga bé yôli'n 9:31

Asɔnunfuɛ'm bɔ be o Zide, nin Galile, ɔ nin Samari mɛn wunmuan'n nun lɔ'n, be lɛ alaje, yɛ asɔnun'n kɔ i nyrun. Kɛ bɔ asɔnunfuɛ'm be nyin yi e Min'n bɔ Nyanmiɛn Wawɛ'n jran bé sin ti'n, be trɛ.

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»