Jue Mun 5:6 - NYANMIƐN NDƐ'N 1998

⁶ Wun tufuɛ'm be kwla ko jran-man ɔ nyrun. Ɔ nyin ci be bɔ be yo sa tɛtɛ mun.

Jue Mun 5:6 ပူးပေါင်းရင်းမြစ်များ

Bo Bolɛ 34:14

Be seli be kɛ: «E fa e niaan bla'n e man yasua nga b'a wlɛ-mɛn i klɛn nin-ɔn, ɔ yo-man ye. Ɔ ti é nyin ase gualɛ.

2 Samiɛl 16:8

Sail i osufuɛ nga a kunnin be'n, be ti Anannganman ɔ'a bu wɔ fɔ. A deli bia'n i sa nun, yɛ Anannganman kusu ɔ'a fa bia sɔ'n ɔ'a man ɔ́ wa Absalɔm, yɛ a su wun nyrɛnnɛn yɛ, a nin i sɔ'n fata, nja b'ɔ ti sran kunfuɛ!»

2 Samiɛl 20:1

Sran finfinfuɛ wie o Gilgal lɛ, be flɛ i Seba, Bikri i wa-a . Ɔ ti Bɛnzamɛn akpasua sufuɛ. Ɔ boli awɛ'n. I waan: «E ndɛ nun-man David ndɛ nun. E nin Izai i wa'n e di-man aja kunngba. Izraɛlfuɛ mun, amun kwlaa amun `sa amun sin amun tranwlɛ.»

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Jue Mun 4:2

Nyanmiɛn, wɔ bɔ a bu-man min ndɛ kwlɛ'n, sɛ n flɛ wɔ-ɔ, tɛ min su. Sɛ n wo nyrɛnnɛn nun'n, de min. Si min aunnvuɛ, tie min srɛlɛ'n.

Jue Mun 43:1

Ee, Nyanmiɛn! Di min jɔlɛ mun klanman man min, jran min sin man e nin be bɔ be si-man wɔ'n e kan. De min gblɛfuɛ mun nin ndrunmun difuɛ'm bé sa nun.

Jue Mun 55:23

Fa sa ng'ɔ o ɔ́ su'n kwlaa wlɛ i Anannganman sa nun, ɔ ´suan ɔ bo. Ɔ su yaci-mɛn i sufuɛ kpa'n lɛ man srɛ kun-mɛn i nan i wun usu-mɛn i .

Ezai 26:21

Afin Anannganman fin i tranwlɛ'n nun lɔ su ba kɛ ɔ wa tu be nga be wo asiɛ'n su'n be fɔ sa tɛ bɔ be yo'n ti. Mmoja ng'ɔ guali asiɛ'n su'n, be ´wun i, sran nga be wuli'n, like fi su kata-man be su kun.

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.