Jue Mun 5:12 - NYANMIƐN NDƐ'N 1998

¹² Sanngɛ be bɔ be talo wɔ'n, man aklunjuɛ yɛ be `di-ɔ. Man be klun jɔ tititi, sasa be. Be bɔ be klo wɔ'n, ɔ dunman nun man be bo sro.

Jue Mun 5:12 ပူးပေါင်းရင်းမြစ်များ

Jue Mun 112:1

An `manman Anannganman! Sran nga i nyin yi Anannganman'n, bɔ Anannganman i mmla'm be su falɛ'n ɔ yo i fɛ'n, i liɛ su ti ye!

Jue Mun 115:13

Be nga be nyin yi Anannganman'n, ɔ ´yo bé wun sa ye, sɛ be lɛ nyrun o, sɛ be lɛ-man nyrun o, ɔ ´yo bé wun sa ye.

Jue Mun 118:15

Be nga be ti Anannganman liɛ'n, b'a nyan kwlalɛ, b'a nyan bé ti. I ti be o bé tannin sua'm be nun be bo sro. Be se kɛ: «Anannganman kwla sakpa!

Jue Mun 119:132

Kaci ɔ́ nyin min wun wa, si min aunnvuɛ kɛ a fa si be bɔ be klo wɔ'n be aunnvuɛ'n sa.

Jue Mun 29:11

Man Anannganman ɔ man i nvle'n nunfuɛ'm be fanngan. Man Anannganman ɔ yrɛ i nuan man i nvle'n nunfuɛ mun, ɔ `yo man bé wun jɔ be fɔuun.

Jue Mun 3:3

Sran kpanngban be kan min wun ndɛ se kɛ: «Nga, Nyanmiɛn su de-mɛn i!»

Jue Mun 3:8

Anannganman, jaso! Min Nyanmiɛn, de min! A fin min kpɔfuɛ'm bé nuan'n su. A bubu klunwifuɛ'm be je'n.

Jue Mun 32:10

Afɛ wafa-wafa'n kwlaa kpɛ sin yia klunwifuɛ'n pɛ, sanngɛ sran ng'ɔ fɛ i wla gua Anannganman su'n, Anannganman niɛn i lika, ɔ yo i kpa.

Jue Mun 32:7

A ti min fiawlɛ, a sasa min, ɔ man nyrɛnnɛn tɔ-man min su. Kɛ a de min'n, n klun ti jɔwa, yɛ wɔ man jue ngunmin yɛ n sro-ɔ.

Jue Mun 68:4

Sanngɛ sran nga Nyanmiɛn bu be sran kpa'n, man be klun jɔ, man be tu be kpɛn Nyanmiɛn nyrun, man be bo sro.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.