Jue Mun 48:9 - NYANMIƐN NDƐ'N 1998

⁹ Nga be kan kleli ye'n, e wunnin i Anannganman b'ɔ sie mɛn wunmuan'n i klɔ'n nun lɔ, e wunnin i e Nyanmiɛn'n i klɔ'n nun lɔ. Nyanmiɛn man i klɔ'n su tɔ-man le nan kɛ ɔ ´yo-ɔ ɔ'a yo.

Jue Mun 48:9 ပူးပေါင်းရင်းမြစ်များ

1 Famiɛn Mun 10:6

Yɛ ɔ seli famiɛn'n kɛ: «Kannzu ɔ ndɛ nga a kan be'n, ɔ nin ɔ ngwlɛlɛ'n bé wun ndɛ nga n tili min mɛn'n nun lɔ'n, ɔ ti nanwlɛ.

1 Famiɛn Mun 10:7

N tili i lɔ m'an fa-man. Min bɔbɔ m'an ba. M'an wun i nin min nyinma. Kɛ n bali'n, nanwlɛ, n wunnin kɛ i kpa'n b'a kan-man ɔ́ wun ndɛ'n i bue bɔbɔ. Ɔ ngwlɛlɛ'n, ɔ nin ɔ́ sa nun ninnge mun be tra bé wun ndɛ nga n tili'n fatifati.

Jue Mun 104:34

Man jue nga n ´to'n ɔ yo i fɛ! Kɛ bɔ ɔ ti min Nyanmiɛn'n ti'n, n klun jɔ lele kpe nun.

Jue Mun 26:3

N wla fi-man ye nga a yo min'n su. A ti nanwlɛfuɛ, i ti n sɔnnzɔn wɔ.

Jue Mun 40:10

Anannganman, a de sran. M bo jasin fɛ sɔ'n anyia dan'n nun. M muan-man min nuan. Ɔ bɔbɔ a si sɔ.

Jue Mun 87:5

Sanngɛ Siɔn liɛ'n, be ´se kɛ: «Sran sɔ'm be kwlaa bé ti nin bé bo'n, yɛlɛ lɛ.» Nyanmiɛn bɔ like fi nun-mɛn i sin'n, i yɛ ɔ wlali Siɔn klɔ sɔ'n i ase-ɔ.

Ngɔjue Fɛfɛ Kpa'n 1:4

Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Zeremi 31:40

Fuɛn nin nzuɛn bɔ luilui o nun'n, be kongo lika ng'ɔ o lɛ ngbɛn'n lele b'ɔ ´fa ju Sedrɔn nzue ba'n nuan'n nin nnɛn kpanngɔ anuan'n i cɔnjɔ'n su wia afiliɛ lɔ lika liɛ nun'n, i sɔ lika'm be kwlakwla be ´yo min liɛ. Be su saci-man be, be su nunnun-man be le.»