Jue Mun 47:4 - NYANMIƐN NDƐ'N 1998

⁴ Ɔ kwlali nvle wie'm be nunfuɛ mun mannin ye, ɔ man e tiali mɛn wie'm be nunfuɛ'm be su.

Jue Mun 47:4 ပူးပေါင်းရင်းမြစ်များ

Jue Mun 136:22

Ɔ fa mannin Izraɛlfuɛ mun bɔ be ti i sufuɛ'n kɛ ɔ ti bé aja like, afin i klun-ufue'n wo lɛ tititi.

Jue Mun 16:3

Ɔ sufuɛ kpakpa nga be o mɛn nga nun'n, be cɛ yɛ m bu be sran yɛ n klo be-ɔ.

Ezai 60:15

Sran'm b'a nian-man ɔ nyrun kun, be kpɔli wɔ, b'a nian-man ɔ osu kun. Sanngɛ ɔ su yo-man sɔ kun, n wa yo man be ´fa wɔ di bé nuan cɛn'n kwlaa, yɛ be klun ´jɔ ɔ dunman nun tititi.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Ndɛ Nga Nyanmiɛn I Nuan Ijɔfuɛ Oze Kannin'n 14:4

Nán Asirifuɛ'm be yɛ be kwla de ye-ɔ. Nnɛn kpanngɔ nga be fa be kun alɛ'n, e su lafi-man bé su kun. E amuɛn nga e yoli be nin e sa'n, e su flɛ-man be kɛ e Nyanmiɛn kun, afin ɔ kunngba cɛ yɛ a si aika ba'n i aunnvuɛ-ɔ.»

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Amɔs 8:7

Mɛn nga Zakɔb i anunman Izraɛlfuɛ'm be fa nyinman-nyinman bé wun'n ti, Anannganman wan yoo: «Izraɛlfuɛ'm be aeliɛ'n, mín wla su fi-mɛn i le.

Naɔm 2:2

Ninivfuɛ mun, sonja kpakpa'm be nin amun su ba alɛ kunlɛ. Amun `sasa amun fiawlɛ klɔ'n i anuan'n, amun `nian amun atin'm be su, amun `buabua amún wun amun `fa amun wunmiɛn'n kwlakwla nan an nin be an `kun.

Malasi 1:2

Anannganman wan yoo: «N klo amun.» Kpɛkuun amun usa kɛ yoo: «?Klolɛ kpa nga ɔ waan a klo ye'n, nguɛ yɛ ɔ kle kɛ a klo e nin-ɔn?» Yɛ Anannganman kusu se be kɛ yoo: «?Nán Zakɔb i niaan bian yɛlɛ Ezau? Sanngɛ n kloli Zakɔb sa

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Efɛzfuɛ Mun 1:18

N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Mmla'n 11:12

Ɔ ti asiɛ kun bɔ Anannganman amun Nyanmiɛn'n nian su. Kɛ ɔ fɛ i afuɛ'n i bo bolɛ nun lele b'ɔ ´fa ju i awieliɛ'n, Anannganman amun Nyanmiɛn'n i nyin tu-man su.

Mmla'n 33:3

Anannganman klo Izraɛl akpasua-akpasua be sufuɛ mun. Ɔ sasa be bɔ be ti i liɛ mlɔnmlɔn'n, ɔ sasa be bɔ be trɛn i bo lɛ kɛ be ´ti i ndɛ'n.

1 Piɛr 1:4

Ɔ wuli ye sɔ nan e `nyan like kpa ng'ɔ sieli i nyanmiɛn su lɔ'n. Like sɔ'n kwla saci-man, ɔ yo-man fiɛn, yɛ ɔ mlin-man.