Jue Mun 45:2 - NYANMIƐN NDƐ'N 1998

² Ndɛ fɛfɛ kpa'n be kpɛn mín klun kɛ n `kpɛ jue nga m man famiɛn'n. N klo kɛ n ´kɛn i fɛfɛ kpa nan ɔ yo klanman kɛ be bɔ be si fluwa klɛ kpa'n be liɛ'n sa.

Jue Mun 45:2 ပူးပေါင်းရင်းမြစ်များ

Jue Mun 21:6

Ɔ ukalɛ bɔ a ukɛ i'n ti, ɔ'a nyan nyrun dan. Ɔ dunman nun ti i nyin a uke, yɛ i nyrun a ba nyan.

Nyanndra Mun 22:11

Sɛ a klo kɛ a ´yo famiɛn'n i janvuɛ'n, man ɔ klun akunndan'm be yo kpakpa. Yɛ ng'ɔ o su ekun'n man ndɛ klanman yɛ ɔ fin ɔ́ nuan fite-ɔ.

Nyanndra Mun 5:2

I liɛ'n akunndan nga m man wɔ'n ɔ ´ka ɔ́ ti'n nun, yɛ a ´si ijɔ.

Ngɔjue Fɛfɛ Kpa'n 2:3

Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ezai 33:17

Zerizalɛmfuɛ mun, amun wa wun kɛ famiɛn'n i nyɛnmɛn'n ti ju'n. Amun wa wun kɛ mɛn'n i tɛtrɛ'n ti ju'n.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Zakari 9:17

I lika sɔ'n i kpa ng'ɔ wa yo'n, yɛ i klanman ng'ɔ wa yo'n, ɔ lɛ-man wunsu. Gbanflɛn'm be wa di ble'n be ´nyin, yɛ talua'm be wa nɔn vinyi nzue lɔflɛ'n be ´nyin wie kusu.

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

JÉSUS-CHRIST I DYASIN FE'N BO LUC KLELI'N 4:22

Be kwlaa be seli kɛ i wun yo be fɛ, ndɛ fɛ b'ɔ kan'n ɔ bo bé nuan, yɛ be seli kɛ: «?Nán Zozɛf wa nin-ɔn?»

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 7:46

Yɛ sonja'm be seli kɛ: «Sran fi nian kan-man ndɛ kɛ bian nga sa le.»

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.