Jue Mun 42:2 - NYANMIƐN NDƐ'N 1998

² Kɛ flete'n ɔ fɛfɛ kunndɛ nzue ba mun'n, min Nyanmiɛn, i kunngba nin-ɔn, n fɛfɛ n kunndɛ kɛ n ´fa min wun m mantan wɔ.

Jue Mun 42:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 23:3

Ee! Sɛ n si kan n ko wun Nyanmiɛn'n, wuun n ´kɔ lele n ko to i kan ɔ tran lɔ'n.

Jue Mun 27:4

Like nga n srɛ i Anannganman sa nun'n, ɔ ti kunngba cɛ. Yɛ kusu ɔ lo min kpa. Like sɔ'n yɛlɛ kɛ n klo kɛ n ´trɛn i sua'n nun cɛn kwlaa lele min nguan'n i awieliɛ, nan n ´kannvun i bɔbɔ Anannganman, afin ɔ yo nyɛnmɛn , yɛ n ´fa min wun m mɛntɛn i.

Jue Mun 43:4

Ee Nyanmiɛn, min Nyanmiɛn, n klun b'ɔ jɔ nin min wun b'ɔ kpaja min'n ti'n, n ´kɔ ɔ sɔwlɛ'n su lɔ, n ´kɔ wɔ sin, nan m ´bo jru m ´manman wɔ.

Jue Mun 63:1

Jue nga ti David liɛ. Ɔ kan blɛ nga David o Zida aawlɛ flɛnnɛn'n nun lɔ'n i ndɛ . I waan:

Jue Mun 63:3

N kunndɛ kɛ n ´wun wɔ ɔ sua b'ɔ ti saun'n nun lɔ nan n ´wun ɔ fanngan nin wɔ anyrunnyan'n bɔ be fite nglo'n.

Jue Mun 84:10

Ee Nyanmiɛn, wɔ bɔ a ti kɛ e nyrɛn sa'n, nian! Ɔ sran bɔ a kpɛli i fa sieli famiɛn'n, niɛn i nyrun.

Jue Mun 84:2

Anannganman, wɔ bɔ a sie mɛn wunmuan'n, n klo ɔ sua nin o!

Jue Mun 84:4

Anannganman, wɔ bɔ a sie mɛn wunmuan'n, min famiɛn, min Nyanmiɛn, nian: ɔ liɛ ndrofia'm be bɔbɔ be lɛ sua, alialia'm be lɛ sua bɔ be sie be mma'm be nun ɔ sɔwlɛ'm be wun lɛ.

Jue Mun 84:7

Kɛ be sin sunlɛ kongo nun'n, kpɛkuun Nyanmiɛn kaci i nzue lika, yɛ nzue klikli ng'ɔ tɔ'n ɔ jranjran lika'm be nun.

Ezipt Lɔ Tulɛ'n 23:17

Afuɛ kwlaa nun'n, amun nvle'n nun yasua'm be kwlaa be `bla min Anannganman min nyrun kpɛ nsan.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Jean 5:26

Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Jean 7:37

Bé cɛn dilɛ'n i cɛn kasiɛn b'ɔ ti bé cɛn dilɛ sɔ'n i nun dan'n, Jésus jrannin be afiɛn lɛ nan ɔ'a kpan ɔ'a se kɛ: «Sran kwlaa nga nzue we kun i'n, ɔ bla ń sin wa nɔn.

1 Tɛsalonikfuɛ Mun 1:9

Kɛ e ɔli amun wun lɔ'n, nun sɔlɛ nga an fa sɔli ye'n, sran'm be kwlaa be kɛn i ndɛ. Be se kɛ an yacili amuɛn mun, yɛ an fa amun wun mannin Nyanmiɛn b'ɔ lafi-man'n b'ɔ ti nanwlɛfuɛ'n

Zozie 3:10

Amun wa wun i jrɛiin kɛ Nyanmiɛn b'ɔ lafi-man'n, ɔ o amun afiɛn nan ɔ wa fuan Kanaanfuɛ mun, nin Ɛtfuɛ mun, nin Evfuɛ mun, nin Ferezfuɛ mun, nin Girgazfuɛ mun, nin Amɔrfuɛ mun, ɔ nin Zɛbisfuɛ mun amun nyrun sakpa.

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.