Jue Mun 41:9 - NYANMIƐN NDƐ'N 1998

⁹ Be se kɛ: «Like tɛ kpa bɔ yɛ ɔ'a tɔ i su lɛ-ɔ! Nga, lalɛ ng'ɔ la lɛ'n, nán kɛ ɔ ´jaso ekun ti-ɔ!»

Jue Mun 41:9 ပူးပေါင်းရင်းမြစ်များ

2 Samiɛl 15:12

Kɛ Absalɔm ´yi tɛ'n, ɔ sunmannin sran Gilo kɛ ɔ ko flɛ Asitɔfɛl b'ɔ ti David i afɔtuɛ manfuɛ'n. Sran nga be jin Absalɔm sin'n be su sɔn, kpɛkuun cicilɛ nga be cicili'n, ɔ yoli dan ɔli i nyrun tititi.

Zɔb I Nyrɛnnɛn Wunlɛ 19:13

Ɔ fuannin min niaan mun be wanndili. Be nga be si min'n, b'a yo kɛ be si-man min kun sa.

Zɔb I Nyrɛnnɛn Wunlɛ 19:19

Be nga n kan n klun ndɛ n kle be laa'n, min wun yo be kwlaa be tɛ. Be nga n klo be'n, b'a jaso min wun.

Jue Mun 101:3

Sa ng'ɔ nin yolɛ fata-man'n, ɔ su kpɛn-man n klun kɛ n ´yo. Be nga be kaci bé sin be si wɔ'n, n kpɔ be nantilɛ'n. N su yo-man be aeliɛ'n wie mlɔnmlɔn.

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Abdias 1:7

Be nga amun nin bé bo ti kun laa bɔ amun kun alɛ'n, b'a kankan amún bo mɛn'n nun b'a fite. Amun janvuɛ'm b'a laka amun b'a kwla amun. Be nga amun nin be wla asa'n, b'a sua amún wun aya. Kpɛkuun nga be kɛn i siɛn'n yɛlɛ kɛ: ‹Nga'm be wun-man sa wlɛ kun.›

Mise 7:5

Nán an fa amún wla guɛ i amun janvuɛ'm be su. Sran nga bɔ yɛ amun nin i be ti koko nnya nun-ɔn, ɔ ti-man'n, nán an fa amún wla guɛ i su .

Matthieu 26:23

Ɔ seli kɛ: «Sran nga be nin min wlali asa icra'n, be nun kun yɛ ɔ ´fa min man sran mun-ɔn.

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.