Jue Mun 40:6 - NYANMIƐN NDƐ'N 1998

⁶ Anannganman min Nyanmiɛn, abonuan sa nga a yoli'n, be sɔnnin. Yɛ akunndan kpakpa nga a bu i e wun'n, be sɔnnin. Like fi nin wɔ sɛ-man. Min waan n ´di sa sɔ'm be wun lalo n ´sin. Be sɔnnin dan, n kwla ka-man be ngba.

Jue Mun 40:6 ပူးပေါင်းရင်းမြစ်များ

Zɔb I Nyrɛnnɛn Wunlɛ 33:16

I blɛ sɔ nun'n, Nyanmiɛn yi sa nglo kle sran mun. Ɔ jran su kpa kɛ be nian be wun,

Zɔb I Nyrɛnnɛn Wunlɛ 5:9

Ɔ yo sa dandan, yɛ be wun-man sa sɔ'm bé bo. Abonuan sa ng'ɔ yo be'n be sɔnnin.

Jue Mun 139:17

Ee Nyanmiɛn, wɔ akunndan'm be bo ti kploun o! Be sɔnnin kpanngban o!

Jue Mun 139:18

Sɛ be kan aunnyan ngba kwlaa bo nun'n, i nɔnnin tra be ngba. N lafi lele n ´tinnge-ɔ, e nin wɔ-ɔ.

Jue Mun 50:8

Nán sraka nga amun yi be'n be ti yɛ n ijɔ amun-ɔn. I kpa'n bɔ, tɛ nga be yrɛ i nnɛn'n kɔlikɔli'n, ɔ lɛ-man cɛn kun bɔ amun yi-man-an.

Jue Mun 51:16

Ee Nyanmiɛn, Nyanmiɛn, wɔ yɛ a ti min defuɛ nin-ɔn! De min wie'n i nuan nun. Man m bo delɛ bɔ a deli min'n i jɔ n sin.

Jue Mun 71:15

N ´kan ɔ́ sa nuan su bɔ a yo'n i ndɛ cɛn kwlaa. N ´kan delɛ bɔ a de sran'n i ndɛ, n su yaci-man. Afin sa kpa nga a yo be'n, be kwla ka-man.

Ezipt Lɔ Tulɛ'n 21:6

i min'n `fa Nyanmiɛn yo i lalofuɛ, ɔ `fa sran'n mantan anuan'n annzɛ anuan'n i waka'n. Kpɛkuun ɔ `fiti i su'n nin tulie. Kɛ ɔ fin lɛ'n, sran sɔ'n ´su i tititi.

Ezai 1:11

Anannganman wan yoo: «?Amun tɛ kpanngban bɔ amun yi'n, ɔ yo nzu ye yɛ ɔ man min-ɔn? Bua nene nga amun fa yi tɛ bɔ be yra be nnɛn'n kɔlikɔli'n, yɛ nannin nga b'a kpɛ cro bɔ amun fa yi bo kun yolɛ i su tɛ'n be lui'n, i kwlaa sɔ'n ɔ'a flan min. Nannin tola mun, nin bua nga b'a kpɛ cro'n mun, ɔ nin boli kpakpuɛ mun, bɔ amun fa yi afiɛn siesielɛ tɛ'n be mmoja'n, n kunndɛ-mɛn i kun.

Ezai 25:1

Anannganman, a ti min Nyanmiɛn, m ´manman wɔ, n ´to jue m bo flɛ wɔ. Afin a yoli abonuan sa mun. Like nga a buli be akunndan'n, bɔ a yoli be ɔ'a cɛ'n, be tɛ o lɛ, be ti cinnjinnjin.

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Amɔs 5:22

Tɛ nga be yrɛ i nnɛn'n kɔlikɔli'n bɔ an ´yi man min'n, ɔ nin nnɛn nga amun kun be be man min ekun'n, b'a flan min. Nannin lowa nga an fa yi bo kun yolɛ i su tɛ'n, min ndɛ nun-man nun.

Matthieu 12:7

Be kɛn i kɛ: ‹N klo aunnvuɛ nga be si sran'n tra tɛ nga be yi be man min'n.› Sɛ ɔ ti kɛ an si ndɛ sɔ'n i bo'n, wuun an bu-man sran nga b'a di-man fɔ'n be fɔ .

Matthieu 9:13

An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.