Jue Mun 40:5 - NYANMIƐN NDƐ'N 1998

⁵ Sran ng'ɔ fɛ i wla'n gua Anannganman su'n, b'ɔ fɛ-mɛn i wun mantan-man wun tufuɛ mun nin ato buafuɛ mun'n, i sɔ sran'n i liɛ su ti ye!

Jue Mun 40:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 26:14

Nga ti sa ng'ɔ yo be'n be bue kaan sa. Be nganniɛn nga e ti i wa'n, e ti-mɛn i kpa bɔ ngbɛn. ?Yɛ i sa sroesroe ng'ɔ yo'n, e suɛn i bo sɛ yɛ ɔ yo ye-ɔ?

Zɔb I Nyrɛnnɛn Wunlɛ 5:9

Ɔ yo sa dandan, yɛ be wun-man sa sɔ'm bé bo. Abonuan sa ng'ɔ yo be'n be sɔnnin.

Zɔb I Nyrɛnnɛn Wunlɛ 9:10

Sa ng'ɔ yo be'n be ti dandan, be kwla wun-man be bo. Sa nyɛnmɛn-nyɛnmɛn ng'ɔ yo be'n be sɔnnin dan.

Jue Mun 136:4

I kunngba cɛ yɛ ɔ yi atrɛ dandan mun-ɔn, afin i klun-ufue'n wo lɛ tititi.

Jue Mun 139:6

Silɛ nga a fa si min'n, ɔ tra min kpɛn, ɔ tra min ngwlɛlɛ'n su fuun, n kwla wun-mɛn i bo.

Jue Mun 71:15

N ´kan ɔ́ sa nuan su bɔ a yo'n i ndɛ cɛn kwlaa. N ´kan delɛ bɔ a de sran'n i ndɛ, n su yaci-man. Afin sa kpa nga a yo be'n, be kwla ka-man.

Jue Mun 73:28

Sanngɛ Nyanmiɛn i tranlɛ bɔ e nin wɔ tran'n ɔ ti min anyanbeun like. Min min Anannganman, n ´fa mín wla'n n gua ɔ su. N ´kan sa kpakpa nga a yoli be'n mun n ´kle sran'm be kwlaa.

Jue Mun 92:5

Ee Anannganman, sa nga a yo be'n be yo min fɛ dan, i ti m bo ndɛ.

Ezipt Lɔ Tulɛ'n 11:8

Kpɛkuun ɔ mantanfuɛ nga be o yɛ'n be kwlaa be wa koto mín bo sa klo, yɛ be ´se min kɛ: ‹A nin ɔ sran mun amun `wɔ,› kpɛkuun, wuun n su kɔ.» Moiz fali ya dan kpa nan ɔ'a jaso famiɛn'n i awlo lɔ ɔ'a ɔ.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Zeremi 29:11

Anannganman'n kannin ndɛ ekun, i waan: «Amún wun akunndan nga m bu'n, m bɔbɔ min yɛ n si i-ɔ. Akunndan kpa yɛ m bu i amun wun-ɔn, nán akunndan tɛ-ɔ. N kunndɛ kɛ amun nyrun atin'n yo weiin.