Jue Mun 4:8 - NYANMIƐN NDƐ'N 1998

⁸ Aklunjuɛ nga wɔ man n nyɛn i'n, ɔ tra aklunjuɛ nga kɛ sran'm be ´kpɛ be ble kpanngban'n be nyɛn i'n, yɛ ɔ tra aklunjuɛ nga kɛ be ´yi be nzan kpanngban'n be nyɛn i'n.

Jue Mun 4:8 ပူးပေါင်းရင်းမြစ်များ

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Jue Mun 3:5

Kɛ n kpan flɛ Anannganman'n, ɔ jrɛn i oka'n su lɔ ɔ tɛ mín su.

Nyanndra Mun 3:24

Sɛ a ´la'n, ɔ klun su titi-man wɔ. A ´la yɛ a ´lafi klanman.

Ezai 9:2

Anannganman, wɔ man be klun jɔli, wɔ man bé wun kpajali be dan. Kɛ be ba ɔ sua nun'n, be klun jɔ kɛ be nga be su kpɛ ble'n sa, bé wun kpaja be kɛ be nga be su cɛ alɛ nun ninnge nga be nyannin be'n be nun'n sa.

Ezekiɛl 34:25

«E nin min bua mun e ´tra aenguɛ b'ɔ ti aunjuɛ aenguɛ. N ´fuan mɛn'n i nun blo nnɛn'm be kwlaa. Min bua mun be ´tran aawlɛ'n nun lɔ, be klun kaan sa su ti-man be. Be ´la bo'n i afiɛn lɔ .

Ndɛ Nga Nyanmiɛn I Nuan Ijɔfuɛ Oze Kannin'n 2:18

Anannganman'n waan: «I cɛn sɔ nun'n, ɔ ´flɛ min kɛ: ‹Min wun.› Ɔ su flɛ-man min kɛ: ‹Baal min Min kun.›

Saun Yolɛ 26:5

Ɔ man Izraɛl wa'n, kɛ vinyi i mma'n i tilɛ'n ɔ ´ju'n, wuun amun tɛ bo ble'n, yɛ kɛ ɔ ´ju kɛ amun `lua fie uflɛ'm bé su like'n, wuun amun tɛ ti vinyi be su mma mun. Aliɛ'n ɔ ´bobo amun su, yɛ amun ´tran amun mɛn'n nun fɔuun.

Mmla'n 12:10

Sanngɛ amun wa kpɛ Zurdɛn'n amun ´ko tran lika nga Anannganman amun Nyanmiɛn'n ´fa man amun'n nun. Amun ´de wunmiɛn amun kpɔfuɛ nga be sin yia amun'n bé sa nun, amún wun ´jɔ amun fɔuun.

1 Tɛsalonikfuɛ Mun 5:10

E ti yɛ ɔ wuli-ɔ, ɔ man kɛ ɔ ´ba'n, sɛ é nyin o su o, sɛ y'a wu o, e nin i e ´nyan nguan.

Sa nglô yile 14:13

N tili sran kun nɛn nyanmiɛn su lɔ, ɔ seli kɛ: «Klɛ ndɛ nga, klɛ i kɛ: ‹Kɛ ɔ fin ndɛ'n, be nga be nin e Min'n b'a kaci sran wunmuan bɔ be wu'n, be liɛ su ti ye!› » Nyanmiɛn Wawɛ'n se kɛ: «Ɔ ti sɔ. Be wa yaci be junman kekle bɔ be di'n be ´de wunmiɛn, afin be nin be nyoliɛ kpa'n yɛ be ´kɔ-ɔ.»