Jue Mun 4:5 - NYANMIƐN NDƐ'N 1998

⁵ Sɛ amun fa ya'n, nán amun yo sa tɛ. Kɛ amun la amun bɛ'n su kɔnguɛ'n, amun `bu akunndan. Kpɛkuun amun `tran diin .

Jue Mun 4:5 ပူးပေါင်းရင်းမြစ်များ

2 Samiɛl 15:12

Kɛ Absalɔm ´yi tɛ'n, ɔ sunmannin sran Gilo kɛ ɔ ko flɛ Asitɔfɛl b'ɔ ti David i afɔtuɛ manfuɛ'n. Sran nga be jin Absalɔm sin'n be su sɔn, kpɛkuun cicilɛ nga be cicili'n, ɔ yoli dan ɔli i nyrun tititi.

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Jue Mun 26:1

Jue nga ti David liɛ. I waan: Anannganman, di min jɔlɛ mun klanman man min. Afin n nantili sein, m'an fɔn-man. N fa min wla'n n gua ɔ su. Srɛ kun-man min, min wun usu-man min.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 51:19

Sraka nga Nyanmiɛn kunndɛ'n yɛlɛ bé wun ase kanlɛ b'ɔ man be di sa nga be yoli'n i nanwlɛ'n. Ee Nyanmiɛn, sran ng'ɔ yo sɔ'n, i wun yo wɔ fɛ.

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Jue Mun 77:7

Jue nga n to'n, ɔ kpɛn min klun kɔnguɛ. M bu akunndan, min waan n ´kunndɛ kɛ n ´wun sa'm be wlɛ.

Ezai 50:10

?Amun nun onin yɛ i nyin yi Anannganman b'ɔ ti i sufuɛ'n i ndɛ b'ɔ kan nin-ɔn? Sran ng'ɔ nanti aosin'n nun'n, bɔ like kpɛjɛ-mɛn i atin'n su'n, man ɔ lafi Anannganman i dunman'n su, yɛ man ɔ kisa i Nyanmiɛn'n su.

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Malasi 1:8

Anannganman b'ɔ sie mɛn wunmuan'n usa kɛ yoo: «?Kɛ amun fa nnɛn nga be nyinma ti siwa, wie kusu-ɔ nga bé ja ti buwa, wie kusu-ɔ nga be kwla-man nanti'n be fa man min'n, ɔ ti kpa? ?Sɛ amun fɛ i sɔ nnɛn be man amun sran ng'ɔ sie amun'n, i klun ´jɔ su? ?Ɔ ´nian amun nyrun?

Matthieu 5:23

I sɔ'n ti, sɛ a ´fa like wie ko man Nyanmiɛn'n, bɔ w'a ju i sɔwlɛ lɛ nan sɛ ɔ́ wla kpɛn su kɛ ɔ wun ndɛ o ɔ niaan wie klun'n,

Mmla'n 33:19

Amun ´flɛ nvle mun oka'n su. Amun ´nian tɛ yilɛ mmla'n su amun ´yi tɛ. Jenvie'n nun yɛ amun anyanbeun ninnge'm be wa fite-ɔ. Ninnge kpakpa nga amun ´nyan be'n, be fia aunnyan'n nun.»

1 Piɛr 4:19

I sɔ'n ti, be nga be nyrɛnnɛn wunlɛ'n ɔ ti Nyanmiɛn klun su'n, man be fa bé wun man Nyanmiɛn b'ɔ yili be'n, bɔ be kwla fa bé wla guɛ i su'n. Man be yo sa ng'ɔ ti kpa'n tititi.