Jue Mun 32:8 - NYANMIƐN NDƐ'N 1998

⁸ Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Jue Mun 32:8 ပူးပေါင်းရင်းမြစ်များ

Jue Mun 33:18

Be bɔ bé nyin yi Anannganman'n, bɔ be fa bé wla guɛ i ukalɛ b'ɔ uka sran'n su'n, i nyin o be su.

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Jue Mun 34:11

Asɔmɔli'n i mma mun bɔbɔ, awe kwla kun be. Sanngɛ be bɔ be mantan Anannganman'n, be mian-man like fi wun.

Bo Bolɛ 24:48

Nan m'an koto Anannganman b'ɔ ti min min Abraam i Nyanmiɛn'n i bo m'an lɛ i ase. Afin i ti man m'an nanti ye m'an fa to min min'n i niaan wa'n.

Kalɛ 9:22

Sɛ sin wɛnsrɛn'n ka Nyanmiɛn tannin sua'n su lɛ sɛ cɛn ba nnyɔn o, sɛ anglo kun o, annzɛ afuɛ kun o, Izraɛlfuɛ'm be tran lɛ, be kɔ-man lika. Kɛ ɔ ´tu i bo'n, wuun be kusu be su tu bé bo wie.

2 Samiɛl 22:33

Nyanmiɛn ti min sasafuɛ dan. Ɔ dun mmua min nyrun atin'n seiin'n su.

1 Famiɛn Mun 8:36

kɛ a o nyanmiɛn su lɔ'n, tɛ be su, yɛ yaci bé wun sa'n cɛ be, afin be ti ɔ sufuɛ mun nin ɔ nvle nunfuɛ mun. I sin, kle be atin kpa'n man be fa su. Yɛ yo man nzue tɔ asiɛ bɔ a fa mannin be'n su, afin ɔ ti bé aja like yɛ a fa mannin be-ɔ.

Jue Mun 25:12

Sran nga i nyin yi Anannganman'n, ɔ kle i atin ng'ɔ `fa'n.

Jue Mun 143:8

Nglɛmun'n, kɛ be ´se kɛ lika'n ɔ'a cɛn cɛ'n, man n wun ɔ klun-ufue'n nun weiin, afin ɔ su yɛ n fa min wla'n gua-a. Atin ng'ɔ ti bɔ n `fa su'n, kle min, afin ɔ́ su yɛ n lafi-ɔ.

Ezai 48:17

Anannganman b'ɔ kpɔ amún ti'n, b'ɔ ti Izraɛl Nyanmiɛn'n, i ndɛ b'ɔ kan'n yɛ, i waan: «Min Anannganman bɔ n ti amun Nyanmiɛn'n, n kle amun like, amun bɔbɔ amún kpa yolɛ ti yɛ n kle amun-ɔn. Min yɛ n kle amun atin ng'ɔ fata kɛ amun sin nun nin-ɔn.