Jue Mun 32:3 - NYANMIƐN NDƐ'N 1998

³ Kɛ m muan min nuan bɔ n kan-man sa nga n yoli'n, kpɛkuun min wunmiɛn'n ɔ kpɛ su. Yɛ kɛ aliɛ'n ko cɛn sa'n, n kplin lele lika'n jɔ .

Jue Mun 32:3 ပူးပေါင်းရင်းမြစ်များ

2 Samiɛl 11:27

Kɛ be wieli sɛ'n yo'n, David man be ko fɛ bali i awlo lɛ, ɔ jɛli i, yɛ ɔ nin i be wuli ba yasua kun.

Zɔb I Nyrɛnnɛn Wunlɛ 3:24

Kplinlɛ'n yɛ ɔ ti min aliɛ yɛ n di-ɔ. Yɛ min fɛfɛlɛ'n, ɔ ti kɛ nzue yɛ ɔ fin like nun ɔ su nyrɛn sa.

Zɔb I Nyrɛnnɛn Wunlɛ 30:17

Kɔnguɛ'n, min wunnɛn'n ɔ yo min ya sa fiaan kpɛn min owie'n nun. I ya'n ti n nyan-man wunmiɛn dewlɛ.

Zɔb I Nyrɛnnɛn Wunlɛ 30:30

Min wunnɛn kplo'n ɔ'a dun min wun tuun. Jɛkuajo'n wo min wun, min wunnɛn trɔ fiaan.

Jue Mun 22:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be `nian jue nga be to i kɛ Flete'n ɔ Fite Njɛnniɛn Su'n i su yɛ be `to-ɔ. I waan:

Jue Mun 38:3

Afin sɛ ɔ ti ta yɛ a toli i min wun'n, wuun i kwlaa nyannin min, ɔ sa ɔ'a kan min.

Jue Mun 38:8

Min wunnɛn'n ɔ lo fiaan! Min wunnɛn'n i lika fi ti-man klonglo.

Jue Mun 51:8

Kusu like bɔ a klo kɛ ɔ tran klɔ sran nun'n yɛlɛ nanwlɛ'n, ɔ man yo man n si ngwlɛlɛ kpa sakpa.

Jue Mun 6:2

Anannganman, kannzɛ w'a fa ya'n, nán bo min. Kannzɛ bɔ ɔ ya'n ɔ'a yo dan'n, nán tu min fɔ.

Nyanndra Mun 17:22

Aklunjuɛ'n ti kɛ ayre sa. Sɛ be klun ti-man jɔwa'n, bé wun kpaja-man be.

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Ezai 51:20

Amun mma'm be lala klɔ'n nun anngɔnda'm be kwlaa su, be o lɛ, be keje-man bé wun. B'a yo kɛ wannzannin bɔ aya ɔ'a trɛ i'n sa. Anannganman i ya'n wo be su, ɔ kan ndɛ kekle kle be.

Ezai 57:17

Izraɛlfuɛ'm bé sa tɛtɛ nga be yoli be'n, ɔ man ya kunnin min nan m'an tu be fɔ. N fali ya, i ti n kacili ń sin n sili be. Sanngɛ b'a yaci-man bé nyin kekle'n i yolɛ, nga be waan be ´yo'n yɛ be yoli-ɔ.

Ezai 59:11

E bo wowo kɛ nnɛn ngble bɔ be flɛ i kɛ urs'n sa. E konviabo'n klu kɛ okunmomo sa tititi. E bu i kɛ Nyanmiɛn wa nian e lika, sanngɛ like fi, e bu i kɛ ɔ wa de ye, sanngɛ ngbɛn-ɔn.

Ngwlɛ Yilɛ 1:3

Zidafuɛ mun'n, kɛ be ko wun nyrɛnnɛn'n yɛ be wunnin i-ɔ. Kanga nga be flɛ-mɛn i kanga'n yɛ be su di-ɔ. B'a tra be lomuɛn b'a ɔ nvle wie nun. Be o be nga be si-man Nyanmiɛn'n be afiɛn, nán wunmiɛn kaan sa yɛ be ko de-ɔ. Be yalɛ klefuɛ'm bé su be su, be waan nán be nyan bé ti nɔn nzue, be mian-mian bé sa fii!

Ngwlɛ Yilɛ 3:4

Ɔ man m'an yo sa kokloo. Min owie'n ɔ'a wie bubu.

Ngwlɛ Yilɛ 3:8

M'an kpan kɛ: «Be `de min o, be `de min o,» lele ngbɛn. Srɛlɛ nga n srɛ'n, ɔ tannin i kɔwlɛ'n i atin.

Ndɛ Nga Nyanmiɛn I Nuan Ijɔfuɛ Oze Kannin'n 7:14

Be kpan flɛ min kɛ n wa de be, sanngɛ min flɛlɛ sɔ'n ɔ jɔ-man be klun kpa. Kɛ be la'n, be bu-man be nyinma, be kpli be bɛ'n su kplakplakpla. Be liɛ'n be bu i kɛ, kɛ be bobo bé wun kannin'n yɛ be wa nyan aliɛ be ´di-ɔ, yɛ be ´nyan nzan lɔflɛ be ´nɔn-ɔn. Kusu wuun kɛ ɔ ´yo sɔ'n, wuun e nin be ye afiɛn'n ɔ'a saci.

1 Samiɛl 31:13

I sin be fali be owie'n be ko sieli be Zabɛs lɔ tamaris waka'n bo lɔ. Nan b'a kpɛ srɛ nun le nso.