Jue Mun 3:7 - NYANMIƐN NDƐ'N 1998

⁷ Sran akpi-akpi nga be bo sin yia min'n, n sro-man be.

Jue Mun 3:7 ပူးပေါင်းရင်းမြစ်များ

2 Samiɛl 18:8

Alɛ'n sali nvle wunmuan'n. Sran nga bo'n dili be'n be sɔnnin tra be nga be kunnin be tokofi nun'n.

Zɔb I Nyrɛnnɛn Wunlɛ 16:10

Sran'm be kputu min kputulɛ kpa. Be kpaci min nyrun, be yo min finfin. Bé bo ɔ'a yo kun mín wun yɛ be nin min a nyɛn i .

Zɔb I Nyrɛnnɛn Wunlɛ 29:17

Sɛ n ´kwla se'n, sran nga be bu-man Nyanmiɛn like fi'n, m ´bubu be je'n. Kɛ b'a tra be sran'n, yɛ m'an de i bé nuan nun.

Jue Mun 10:12

Anannganman Nyanmiɛn, jaso, man ɔ́ sa'n su! Nán ɔ́ wla fi nyrɛnnɛnfuɛ'n.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 27:3

Sɛ alɛ kunfuɛ akpasua dan kun bo sin yia min kɛ be nin min ´kun'n, srɛ bɔ kaan sa su kun-man min. Kɛ be ´fa alɛ wla min sin'n, wuun blɛ li yɛ min wla'n ɔ su gua ase-ɔ.

Jue Mun 35:23

Min Min, min Nyanmiɛn, jaso! Di min jɔlɛ'n i klanman man min! Jaso nan kun min ti alɛ man min!

Jue Mun 44:23

Wɔ ti yɛ be fa e jran wie'n nuan cɛn kwlaa-a. Wɔ ti yɛ be bu e kɛ bua bɔ be su ko kun i nnɛn kunwlɛ lɔ'n sa nin-ɔn .

Jue Mun 58:6

Like nga wuo nun ngowa kanfuɛ'm be yo'n, ɔnda sɔ'n ɔ bu-mɛn i like fi. Wuo nun ngowa kanfuɛ ng'ɔ si i kan kpa tra be ngba'n, sɛ ɔ ´yo sɛ ɔ ´yo sɛ o, i ndɛ nun-man nun.

Jue Mun 59:5

M'an yo-man like fi, sanngɛ kpɛkuun be wanndi be ba min su, b'a sa cɛiin. Jaso! Bla mín wun wa nan nian.

Jue Mun 6:4

Min wla'n ɔ ti bowa. ?Anannganman, blɛ onin yɛ a ´uka min-ɔn?

Jue Mun 7:6

man min kpɔfuɛ wie fuan min tra min, man ɔ yi min ase tiatia min su, ɔ kun min nan n dunman saci asiɛ'n su.

Jue Mun 74:11

?Ɔ yo sɛ ti yɛ a o lɛ diin sɔ-ɔ? Yi ɔ́ sa'n fite fa bla ɔ kpɔfuɛ'n i like man ɔ wu ke!

Jue Mun 76:9

Kɛ a o nyanmiɛn su lɔ bɔ a ko bu ndɛ'n, kɛ a jaso bɔ a ko de be bɔ be wla'n ti bowa asiɛ'n su'n, srɛ kun sran'm be ngba, be gua sɔ bliin!

Ezai 51:9

Min Min, jaso! Jaso ndɛndɛ! Sɛ ɔ fanngan'n ti kɛ tralɛ sa'n, wuun n ´se kɛ a `wlɛ i kɛ laa'n sa! Jaso kɛ laa blɛ nun'n sa! Jaso kɛ sran laa'm bé blɛ'n su'n sa! ?Nán wɔ yɛ a yili Eziptfuɛ'm be ase nin-ɔn? ?Nán wɔ yɛ a boli jenvie nun dragɔn i kannin nin-ɔn?

Ngwlɛ Yilɛ 3:30

I li, ɔ `sie i fuka'n lɛ man be kpaci su, ɔ `yaci i wun lɛ man be kpɛ i nzowa tɛtɛ mun man ɔ ti i.

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.